အိတ်မှောက်သွန်ပစ် သုံးဆယ့်တစ် ( Tag Post )

ဘလော့ဂါများနေ့မှာ အမသက်ဝေတဂ်သော အိတ်မှောက်ဖာသွန် Tag Post ကို အမှတ်တရ ရေးဖြစ်ပါတယ်။ အမသက်ဝေရဲ့ခေါင်းစဉ်ကိုလဲ နဲနဲပြောင်းမိသွားတယ် ၊ အဲဒီအတွက် ခွင့်ပြုပါနော်။

အိတ်မှောက်သွန်ပစ် သုံးဆယ့်တစ် ၊ ကိုညီလင်းသစ်ရဲ့ ခေါင်းစဉ်ကိုယူမိတယ် ၊ ကာရံနဘေထပ်ချင်လို့ပါ။ :) အမမြသွေးနီလိုယူလိုက်မိတာပါ။ ၃၁ရက်နေ့မှာမှ ရေးဖြစ်တာကြောင့် ရွတ်လို့ကောင်းအောင် အရှေ့တဝက်ဘဲယူယူ ၊ ကိုညီလင်းသစ် ခေါင်းစဉ်ကိုယူမိတော့ စားချင်တာရှိရင်လဲ ဝယ်ကျွေးပါ့မယ်။ :D

အိတ်ကိုသွန်မှောက်ပြီး ဓာတ်ပုံရိုက်နေလို့ အမေနှစ်ယောက်က ဘာလုပ်နေတာလဲတဲ့။ Blog မှာတင်ဖို့ Tag Post ပါလို့ ဖြေရှင်းရသေးတယ်။

အိတ်ကိုသွန်၍ မှောက်ကြည့်သောအခါ ဒီပစ္စည်းလေးများထွက်ကျလာပါသည်။

ပုံထဲကအတိုင်း အပေါ်ကနေအောက်အစဉ်လိုက် ရေးသွားလိုက်မယ်နော်။

ပထမ စတွေ့ရတာကတော့ လရိပ်အပြင်သွားရင် လွယ်တဲ့အိတ်ပါ ၊ ပစ္စည်းတွေသွန်ထားတယ်ဆိုတော့ အိတ်အဖုံးကိုပါလှန်ထားလိုက်တယ်။ အိတ်အဖုံးပေါ်မှာတွေ့ရတာက ဦးထုပ်ပါ။ 

အိတ်ရဲ့ဘေးက ပစ္စည်းဝယ်တာဖြစ်ဖြစ် ၊ စားသောက်ဆိုင်မှာ စားရင်ဖြစ်ဖြစ် ရတဲ့ဘောက်ချာစာရွက်လေးတွေပါ ၊ အဲဒီထဲမှာပါတဲ့ ဂဏန်းတွေကိုဘဲ ထီတိုက်သလိုမျိုး ပြန်တိုက်လို့ရပါတယ်။ နှစ်လတခါ တိုက်ရပါတယ်။ တချို့မပေးတဲ့ဆိုင်တွေလဲရှိပါတယ် ၊ ပေးတာများပါတယ်။ သူ့အောက်ကတော့ အိမ်သော့နဲ့လှေကားသော့ပါ။ သော့ထဲမှာ ပါနေတဲ့ ကဒ်လေးတွေက ပစ္စည်းဝယ်ရင်သုံးတဲ့အသင်းဝင်ကဒ်ပါ။ 

နောက်တလိုင်းက အားလုံးရဲ့ရင်ထဲမှာရှိတဲ့ မျှော်လင့်ချက် - ထီလက်မှတ်ဖြစ်ပါတယ်။ ဆုသေးဘဲ ပေါက်တာများတယ်။ ဆုကြီးကိုတော့ သစ်ကုလားအုပ်လိုဘဲ မျှော်နေရတယ်။ ထီလက်မှတ်အောက်မှာတွေ့ရတဲ့ ပန်းရောင်ဘူးလေးက ဆေးဘူးပါ ၊ သူ့အောက်က အဖြူရောင်ပန်းပွင့်ဘူးလေးကလဲ ဆေးဘူးပါဘဲ ၊  ဆေးဘူးအောက်မှာတွေ့ရတာက အစာအိမ်နဲ့ပတ်သက်လို့သောက်ရတဲ့ ဆေးကဒ်ပါ ၊ သိပ်သောက်လေ့မရှိပါဘူး။ တခါတရံ ဗိုက်အောင့်မှသောက်ဖြစ်ပါတယ်။ ပိုပိုလိုလို ထည့်ထားတာပါ။ ဆေးကတော့ သိတဲ့အတိုင်း ဘယ်သူမှသောက်ချင်ကြမှာမဟုတ်ပါဘူး။ လိုအပ်လို့ သောက်နေရတော့လဲ မြန်မြန်နေကောင်းချင်ပါတယ်။ အောက်ကတော့ ဖုန်းပါ။

စာအုပ်တအုပ်တော့ အမြဲသယ်ဖြစ်ပါတယ် ၊ စာရေးမယ်ဆိုရင် အဲဒီစာအုပ်သယ်ပါတယ်။ အဲဒီတစ်အုပ်သယ်တာ များပါတယ်။ ဆေးခန်းသွားပြရင်တော့ ဖတ်စရာစာအုပ် တစ်အုပ်သယ်ပါတယ်။ ဘောပင်လဲ အမြဲထည့်ပါတယ် ၊ အပြာရောင်က ဖျက်တိပ် (correction tape) ပါ။စာအုပ်အောက်က ပန်းရောင်အိတ်လေးက အကြွေထည့်တဲ့အိတ်ပါ ၊ အထဲမှာ သံလိုက်တပြားပါတယ် ၊ စတီးခွက်အစစ်ရှာနေတာ ၊ ခုနောက်ပိုင်းရှာနေတာ ၊ ရှာတာဘဲအဖတ်တင်တယ် ၊ အကုန်သံလိုက်လိုက်တယ်။ အမေက စတီးခွက်အစစ်နဲ့သောက်ရင် ကောင်းတယ်ဆိုလို့။ ကြွေခွက်လဲရတယ် ပြောတယ် ၊ ကြွေခွက်နဲ့ကမသောက်ချင်တာမဟုတ်ဘူး ၊ လက်ကနေ ပြုတ်ကျမှာစိုးတာ။:P အကြွေအိတ်ဘေးက ရှုဆေးတောင့်။ အောက်ကအိတ်က ပိုက်ဆံရွက် ထည့်တဲ့အိတ်ပါ။  အများကြီးမဟုတ်ပါဘူး ၊ ခုနှစ်ရာတည်းပါ။ အထဲမှာ ဆေးခန်းသွားပြတဲ့ကဒ် ၊ ပိုက်ဆံထုတ်တဲ့ကဒ် ၊ ကျန်တဲ့ကဒ်ကတော့ ပစ္စည်းဝယ်တဲ့ မမ်ဘာကဒ်တွေပါ။ သူများတွေလို ခရက်ဒစ်ကဒ်လဲ မရှိပါ။

ထီး အမြဲသယ်ပါတယ် ၊ ဦးထုပ်လဲသယ် ၊ ထီးလဲသယ်။ ဦးထုပ်က နေပူတဲ့အခါ နဲ့ မိုးတစက် ၊ နှစ်စက်ရွာတဲ့အခါမှာ ထီးမဆောင်းချင်လို့ပါ။ အမေကဘယ်သွားသွား ဦးထုပ်ဆောင်းမှကြိုက်တယ်။ အဲဒါကြောင့်လဲ သယ်တာပါ။ ထီးအောက်ကအိတ်က ပစ္စည်းဝယ်ပြီးရင် အိတ်ဝယ်ရတာများတယ် ၊ မဝယ်ချင်လို့ အိမ်မှာရှိတဲ့အိတ်ကို ထည့်ထားတာပါ။ အရင်ကဆို ပစ္စည်းဝယ်ရင် အိတ်တွေပေးတယ် ၊ ခုက ဖောင်းပွမှုကြောင့် မပေးဘူးဖြစ်သွားတာ ကြာပေါ့။ tissue တစ်ထုပ် ၊ tissue အောက်က Winnie Pooh နဲ့က ဘတ်စ်ကား စီး ၊ MRT စီးတဲ့ကဒ်ပါ။ tissue ဘေးက အဖြူရောင်နဲ့က အလုပ်လျှောက်တဲ့စာရွက်ပါ ၊ ကျန်းမာရေးကြောင့် အလုပ်ရပ်နားထားပြီး ခုအလုပ်ပြန်ရှာနေလို့ပါ။ အပြင်သွားတော့ လမ်းမှာကြိုက်တဲ့အလုပ်တွေ့ရင် လျှောက်ပစ်လိုက်တာဘဲ။ ခု အလုပ်က နဲနဲရှာရခက်နေတယ် ၊ ဘာလို့လဲဆိုတော့ သူတို့က အိုဗာတိုင် ဆင်းစေချင်တယ် ၊ လရိပ်က ညကျောင်းတက်ချင်တယ် ၊ အဲဒီမှာ မကိုက်ဘူး ဖြစ်နေလို့ အလုပ်တော်တော်များများက မခေါ်ဘူး။ အလုပ်ချိန်တွေက ကို့လို့ကန့်လန့်တွေ။ အမေကလဲ လရိပ်ကျန်းမာရေးကို စိတ်ပူနေတာတွေပါတာပေါ့။ အောက်ဆုံးကတော့ ရေဘူးပါ။ ဆေးသောက်မှတော့ ရေဆိုတာ မရှိမဖြစ်လိုလာပြီလေ။ လမ်းမှာအလုပ်လျှောက်ဖြစ်တော့ ပြန်ဖြည့်ရ ၊ ဖျက်ရတာမျိုးတွေရှိနေလို့ ဘောပင်နဲ့ ဖျက်တိပ် ဆောင်ထားတာပါ။ ဘောပင်က အရင်ဆိုလုံးဝမသယ်ဘူး ၊ ခုက လမ်းရောက်လို့စာဖြစ်ဖြစ် ၊  ကဗျာစာသားဖြစ်ဖြစ် အတွေးဝင်သွားရင် စာကြောင်းတွေထွက်လာလို့ အမြန်ရေးရတာပါ။ အိမ်ရောက်မှ ပြန်ရေးရင် ဘာမှမမှတ်မိတော့လို့ပါ။ အလုပ်လျှောက်တာလဲ ပါတာပေါ့။

ရေးတယ်သာပြောနေတာ ၊ ဘာ post မှလဲမတင်ဘူးနော် ၊ ဟိဟိ။

ခုက နွေရာသီဆိုတော့ နှုတ်ခမ်းဆီမထည့်ထားဘူး။ ပျော့သွားလို့။ ဆောင်းတွင်း နှုတ်ခမ်းကွဲမှထည့်ဖြစ်တယ်။ 

အမေက ပုံကြည့်ပြီး လရိပ်အိတ်ထဲမှာ ဘာမှမရှိပါလားတဲ့ ၊ ဘာမှတာမရှိတာ လရိပ်အိတ်ကို သွားချိန်တာ ၁ကီလိုကျော်တယ်။

ဘလော့ဂ်ဒေးမှာ ဘလော့ဂါတိုင်း ပျော်ရွှင်မှုအပေါင်းနဲ့ စိတ်ကျန်းမာ ၊ ကိုယ်ချမ်းသာရှိကြပါစေ။

လေးစားစွာဖြင့်

လရိပ်အိမ်

ရူးသွပ်ရင် ဖြစ်မယ် (တဂ်ပို့စ်)

လရိပ်ရဲ့ ပထမဆုံးတဂ်ခံရတဲ့ပိုစ့်လေးပါ။ တဂ်ပေးတဲ့ ဆရာဝေမိုးနိုင်(မုံရွာ)အား ကျေးဇူးအထူးတင်ပါတယ်။ တဂ်ခံရတဲ့အတွက်လဲ ရင်ထဲမှာ အတိုင်းအဆမရှိ ဝမ်းသာမိပါတယ်။ သိပ်တော့မရေးတတ်ပါဘူး ၊ ရေးတတ်သလိုဘဲ အတတ်နိုင်ဆုံး ရေးပေးမယ်နော်။

ငယ်ငယ်ကတည်းက စပြောရမယ်ဆိုရင်ဖြင့် ဒိုင်ယာရီ ရေးခြင်းကို အရမ်းဝါသနာပါပါတယ်။ စိတ်ထဲက ခံစားချက်ကို စာအုပ်ထဲမှာဘဲ နစ်မြုပ် ချရေးဖြစ်ပါတယ်။ ချစ်လှစွာသော အဖေကလဲလူ့လောကကြီးကနေ ထာဝရခွဲခွါသွားပြီဆိုတော့ အမေက စီးပွါးရေးဘဲ အာရုံစိုက်ရပါတယ်။ ကလေးတွေကိုတော့ ဂရုစိုက်ပါတယ်။ မိန်းမသားတစ်ယောက်အနေနဲ့ ယောက်ကျားမရှိဘဲ စီးပွါးရှာရတာ မလွယ်ကူပါဘူး။ အမေကတော့ပြောတယ် ဒီလောက်စာရေးဝါသနာပါရင် ကြီးလာရင် စာရေးဆရာမ လုပ်ပါတဲ့။ အဲလိုပြောတာကို အဲဒီကတည်းက ရူးသွပ်ခဲ့တယ်။ ဒါပေမဲ့ လရိပ်စာအုပ်တွေ ဝယ်ဖတ်ရမယ်ဆိုတာ နားမလည်ခဲ့ဘူး။ ကိုယ့်ကို ဘာလုပ်ရမယ်ဆိုတာ နားမလည်ခဲ့ဘူး ( မရင့်ကျက်တာ )။ ခုထိလဲ သိပ်မရင့်ကျက်သေးဘူး။ ကလေးဆန်တုန်းဘဲ။း) ငယ်ငယ်က အမေနဲ့လဲတူတူမနေခဲ့ရပါဘူး။ အမေက သူ့အမရှိရာနိုင်ငံခြားမှာအလုပ်သွားလုပ်နေခဲ့ရပါတယ်။  အဘိုး၊အဘွား၊အကိုနဲ့ဘဲတူတူနေခဲ့
တာပါ။ အကို ၁၀တန်းဖြေမဲ့နှစ်မှာမှ အမေပြန်လာတယ်။

ခုချိန်မှာဆို စာကရေးဆိုရင်ရေးဘဲပေါ့နော်။ ဒါပေမဲ့ စကားလုံးကြွယ်ကြွယ်ဝဝ ရသဆန်ဆန်တွေ မရေးတတ်ဘူး။ ဘာစာအုပ်ဝယ်ဖတ်လဲသိလား ၊ ပုံပြင်စာအုပ်ဖြစ်ပါတယ်။ အရမ်းကြိုက်တာ။ နဲနဲကြီးလာတော့ အိမ်နားမှာ ကာတွန်းစာအုပ်တွေငှါးဖတ်ဖြစ်တယ်။ အမေက အချစ်ဝတ္ထုတွေဖတ်တာမကြိုက်ဘူး။ ခိုးဖတ်ပါတယ်။ မီကိုဇူးဇင်၊နိုကိုဇူးဇင်၊လမင်းမိုမို၊ရှင်မိုးနဲ့လွန်းထားထားကိုဘဲအဖတ်များပါတယ်။ လရိပ်ဖတ်တာလွဲနေပုံရပါတယ်၊ ခုစဉ်းစားကြည့်နေတာလေ ၊ အကုန်မဖတ်ဘူး၊ စကားပြောတဲ့နေရာဘဲဖတ်တယ်။ အပျိုစင်မဂ္ဂဇင်း၊မဟေသီမဂ္ဂဇင်း၊ အာရောဂျံမဂ္ဂဇင်းတွေဖတ်ပါတယ်။ အာရောဂျံ ကိုဘဲဖတ်ဖြစ်တာများပါတယ်။ မင်္ဂလာမောင်မယ်ကိုတော့ လတိုင်းဝယ်ဖတ်တယ်။ အကိုဝယ်လာတဲ့စာအုပ်တွေဖတ်ဖြစ်ပါတယ်...ဆရာ ဖေမြင့်ရဲ့ နှလုံးသားအာဟာရ စာအုပ်တွေပါ။ နောက်ပိုင်းတော့ ဆရာမင်းလူ ၊ ဆရာ နီကိုရဲ စာအုပ်တွေဖတ်ပါတယ်။  ပိန်းတာလား မသိဘူး ၊ အဲဒီလိုတွေကို မရေးတတ်ဘူး။ စာရေးရရင်တော့ပျော်တယ်။ တွေ့တဲ့ပေါ်လျှောက်ရေးတာ ၊ ကြိမ်ယပ်တောင်ပေါ်မှာလဲရေးတယ်။ ဘာတွေရေးလဲလို့မမေးနဲ့။း))

လွန်ခဲ့တဲ့နှစ်တွေတုန်းကတော့ အွန်လိုင်းမှာ စာရေးဆရာမကြီး မစန္ဒာရဲ့ စာအုပ်တွေဖတ်ဖြစ်ပါတယ်။ အရမ်းကြိုက်သွားပါတယ်။ ဆရာမဂျူးရဲ့စာအုပ် ( မရှိမဖြစ်မိုး ) ကို တစ်အုပ်ဘဲဖတ်ဖူးပါတယ်။ ဦးလေးလာပေးတာပါ ၊ ဖတ်ကြည့်ပါတဲ့။ အရမ်းညွှန်းလို့သေချာဖတ်ပါတယ်။

ခုချိန်မှာ ကိုယ့်ရဲ့ဘလော့ဂါမိတ်ဆွေ ဂျူနီယာ ၊ စီနီယာတွေရဲ့အောင်မြင်မှုတွေခံစားနေရတာတွေ့တော့ အရမ်းအားကျမိပါတယ်။ အသီးအပွင့်တစ်ခုခံစားချင်ရင် ဒီလောက် ဘယ်လွယ်ကူပါ့မလဲနော်။ ခုတော့ အားရင် စာတွေလိုက်ဖတ်ဖြစ်နေပါတယ်။ မိတ်ဆွေတွေရဲ့ဘလော့မှာ စာတွေလိုက်ဖတ်ရင်း ၊ ကောမန့်တွေရေးရင်းနဲ့ပေါ့လေ။ အရင်တုန်းက ကောမန့်တောင်မရေးတတ်ဘူး။ နဲနဲတိုးတက်လာတာပေါ့နော် (ကိုယ့်ကိုအားပေးတာ)။ သက်တံဆယ်စင်းစာအုပ်( ထုတ်ဝေသူ ကိုရန်အောင်(ရေခဲငှက်) ၊ လရိပ် ကြော်ငြာပေးတယ်နော် ၊ ရောင်းကောင်းနေတာလဲ ကြားရပါတယ် ၊ ဒုတိယအကြိမ်ထွက်တော့မယ်ဆိုတာလဲ ကိုရန်အောင် FB မှာတွေ့ပါတယ်၊ ဒီနေရာကနေဘဲ လှိုက်လှဲစွာဝမ်းသာဂုဏ်ယူမိပါကြောင်း ပြောချင်ပါတယ် ) လဲ ကိုယ့်လက်ထဲမှာဆိုတော့ အရမ်းကာရော် အလွယ်တကူမဖတ်ဘူး။ သေချာခံစားပြီးဖတ်ပါတယ်။ ဖတ်ရမှာ နှမြောနေမိတယ် ၊ ကုန်သွားမှာစိုးလို့လေ။ အဲ.....ဒီလိုလဲမဟုတ်သေးပါဘူး။ တစ်နေ့တစ်ပုဒ်တော့မှန်မှန်ဖတ်တယ်။ ဒီတစ်ခေါက် ရန်ကုန်ပြန်ရင်လဲ ရသများများပါတဲ့စာအုပ်တွေ ဝယ်ဖတ်မယ်လို့ စိတ်ကူးထားတယ်။ အမေကတော့ပြောတယ် ၊ ရသ လိုချင်ရင် စာအုပ်မှန်သမျှ အကုန်ဖတ်တဲ့ ( ကျေးဇူးပါမေမေ )။ အမေက ကွန်ပြူတာ တအားကြည့်တာ မကြိုက်ပြန်ဘူး။ လရိပ်ရဲ့မျက်လုံးကို စိတ်ပူလို့ပါ။ အကိုက အမြဲပြောတယ် ၊ မျက်လုံးဆိုတာ အစားပြန်မရဘူးတဲ့ ၊ ကိုယ့်ကိုသိပါတဲ့ ၊ လူကြီးဖြစ်နေပြီတဲ့ ၊ နားလည်ပါတဲ့။

လရိပ်ဘလော့မှာ ဝတ္ထုတိုထက်ကဗျာတွေ ရေးဖွဲ့နေတာကတော့ ဘယ်လိုပြောရမယ်မသိပါဘူး။ ခံစားချက်ကြောင့်လို့ဘဲပြောရမလား၊ သူ့အလိုလို စကားလုံးတွေက အာရုံထဲမှာ ပေါ်လာတာ။ ခံစားချက်မရှိရင်လဲ မထွက်လာတော့ပါဘူး။ တကယ်တော့ လရိပ်က စာရေးခြင်းကို နှစ်သက်သူပါ။ ဝတ္ထုတွေလဲ ရေးချင်ပါတယ်။ လရိပ်ကြိုးစားပြီး ရေးကြည့်ပါအုန်းမယ်။ စိတ်ညစ်နေရင် စိတ်ထွက်ပေါက်က စာရေးခြင်းပါဘဲ။

နောက်တစ်ခု လရိပ်ရူးသွပ်နေတာ ဘာလဲဆိုတော့ Graphic and Web design  ပါဘဲ။ Graphic and Web ဒီဇိုင်နာတစ်ယောက် အရမ်းဖြစ်ချင်ပါတယ်။ စင်ကာပူဒီဇိုင်းကျောင်းမှာ ကျောင်းတက်နေရင်း တဝက်တပျက် နေမကောင်းလို့ ကျောင်းထွက်လိုက်ရပါတယ်။ ဒီနိုင်ငံမှာလဲ graphic နဲ့ပတ်သက်တဲ့အလုပ်လုပ်ဖြစ်ပါတယ်။ ဒီမှာ ကလေးငယ်လေးတွေ မူကြိုကျောင်းပြီးရင် ကလေးဘွဲ့ဝတ်စုံလေးတွေ ၊ အင်္ကျီလှလှလေးတွေဝတ် ၊ ဓာတ်ပုံရိုက်ကြပြီး စာအုပ်ထုတ်ကြပါတယ်။ လရိပ်က အဲဒီအတွက်စာအုပ်ထဲမှာပါဝင်မဲ့ဘောင်တွေ (Frame )ကို ဒီဇိုင်းလုပ်ပေးရပါတယ် ၊  ဓာတ်ပုံအယ်ဘမ်ရဲ့မျက်နှာဖုံးလေးတွေကိုလဲ ဒီဇိုင်းဆွဲပေးရပါတယ်။ သူဌေးကလဲ လရိပ်ရဲ့ဒီဇိုင်းတွေကြိုက်ပါတယ်။ ဒါပေမဲ့လေ ကံကြမ္မာက ကိုယ့်ဘက်မှာ လုံးလုံးလျားလျား မရှိဘူး။း((  ကျန်းမာရေးကြောင့် အလုပ်ထွက်လိုက်ရပါတယ်။ လရိပ်ကလဲ ခဏခဏ နေမကောင်းဖြစ်တတ်ပါတယ်။ ဖြစ်လိုက်ရင်လဲ အကြီးအကျယ်တွေကြီးပါဘဲ။ ကိုယ်ပါလာတဲ့ အတိတ်ကကံကြောင့်လို့ဘဲပြောရမလား ၊ ဟိုဘဝက သူများကို ဘာလုပ်ခဲ့လဲမှမသိတာ။

ရူးသွပ်ခြင်းတွေ ဆက်ဆက်နေတယ်။ ဒီဇိုင်းကျောင်းတက်ပြီးတည်းက D-SLR (Digital single-lens reflex) ကင်မရာ ( တကယ်တော့ မျောက်အုန်းသီး ကင်မရာပါ )နဲ့ပုံတွေကို တအားရိုက်ချင်တာ။ သိပ်ကိုရူးသွပ်နေလို့ အကိုက ဝယ်ပေးရှာတယ်။ ရိုက်တယ်။ သိပ်မရိုက်တတ်တော့ အကိုက ပြောတယ်။ ဒါဆိုရင်လဲ အော်တိုမစ်တစ်ဟာနဲ့ဘဲ ရိုက်ပါတဲ့။ Manual မထားနဲ့တဲ့။ မဖြစ်နိုင်တာ အကိုရာ။ ဒီကင်မရာနဲ့ အနောက်မှုန်ရှေ့ကြည် ၊ ရှေ့မှုန်အနောက်ကြည် ဒါမျိုးတွေရိုက်ချင်လို့ဒီကင်မရာဝယ်တာပါဆိုမှ။ အကိုက ပြောတယ်။ ညီမလေးတဲ့ Manual နဲ့ရိုက်တာ ပုံတွေပိုဝါးနေတယ်တဲ့။ လရိပ်လဲ ကြိုးစားပြီးရိုက်ပါတယ်။ ပုံ ၃၀လောက်ရိုက်မှ ကောင်းကောင်းလေး တစ်ပုံရတယ်။ ကျေနပ်ပါတယ်။ ရူးသွပ်ခြင်းတွေ လောဘကြီးတယ်လို့မထင်ပါနဲ့။ ဒါလဲ ရူးသွပ်ရင် အောင်မြင်နိုင်တာဘဲနော်။

ရူးသွပ်ရင်ဖြစ်မယ် ဆိုပေမဲ့ ခုချိန်မှာ ဘာမှမဖြစ်လာသေးတဲ့အတွက် ကိုယ့်ကိုယ်ကို ဆက်ကြိုးစားရင်း နောင်တကယ်ဖြစ်မဲ့အချိန်ကို မျှော်လင့်တောင့်တနေမိပါတော့တယ်။

P.S... ဒီ post ကတော့ မဖျားခင် နှစ်ရက်လောက်ထဲက ရေးထားတာမလို့ပါ။


လေးစားစွာဖြင့်
လရိပ်အိမ်