လွတ်လပ်ရေးရရှိရန်အတွက် မြန်မာပြည်မနှင့် တောင်တန်းသားများ၏ စည်းလုံးမှုကိုပြဆိုခဲ့သည့် ပင်လုံစာချုပ်ချုပ်ဆိုနိုင်ခဲ့သော ၁၉၄၇ ဖေဖော်ဝါရီလ ၁၂ ရက်နေ့ကို ပြည်ထောင်စုနေ့အဖြစ် သတ်မှတ်ခဲ့ကြသည်။ မြန်မာနိုင်ငံအနေဖြင့် ၁၈၈၅ ခုနှစ်တွင် ဗြိတိသျအင်္ဂလိပ်လက်အောက်သို့ ကျရောက်ခဲ့သည့်ကာလနောက်ပိုင်းမှစတင်ပြီး မြန်မာ့လွတ်လပ်ရေးပြန်လည်ရရှိရန်အတွက် ခေတ်အဆက်ဆက်မျိုးချစ်ပုဂ္ဂိုလ်များက ကြိုးပမ်းခဲ့ကြပါသည်။ ဗြိတိသျအစိုးရအနေဖြင့်လည်း မြန်မာနိုင်ငံကို သိမ်းပိုက်ခဲ့ပြီးသည့်အချိန်မှစ၍ လွတ်လပ်ရေးမပေးရရန်အတွက် နည်းမျိုးစုံဖြင့်ဟန့်တားခဲ့ကြပါသည်။ ထိုသို့ဟန့်တားမှုများတွင် ပြည်မနှင့်တောင်တန်းဒေသများ(တစ်နည်းအားဖြင့် တိုင်းရင်းသားအချင်းချင်း)ကို သွေးခွဲအုပ်ချုပ်သည့်နည်းဖြင့်လည်း အုပ်ချုပ်ခဲ့ကြပါသည်။ ဥပမာအားဖြင့် ဗြိတိသျအစိုးရသည် မြန်မာနိုင်ငံကို သိမ်းပိုက်ခဲ့ပြီးသည့်နောက် တောင်တန်းဒေသများကို သီးခြားစီမံကိန်းဒေသများအဖြစ် ဘုရင်ခံကတိုက်ရိုက်အုပ်ချုပ်ပြီး ဒေသတစ်ခုနှင့်တစ်ခုကူးသန်းမှုကို ၁၈၉၈ ကချင်တောင်တန်း လူမျိုးစုဥပဒေ၊ ၁၈၉၆ ချင်းတောင်တန်းဥပဒေ အစရှိသည်တို့ဖြင့် ကန့်သတ်ပိတ်ပင်ထားခဲ့သည်။ ထိုသို့သော သွေးခွဲအုပ်ချုပ်ထားမှုများက လွတ်လပ်ရေးကြိုးပမ်းမှုအရှိန်မြင့်ချိန်တွင် ပို၍ရှုပ်ထွေးစေခဲ့ပါသည်။ ဗိုလ်ချုပ်အောင်ဆန်း၏ ၁၉၄၇ ဇန်န၀ါရီလ လန်ဒန်ခရီးစဉ်တွင် ပြည်မနှင့်တောင်တန်းပူးပေါင်းရေးကိစ္စမှာ အရေးပါးလာသောကိစ္စဖြစ်ခဲ့သည်။ အခြားတစ်ဖက်တွင်လည်း ပြည်မနှင့်တောင်တန်း မပူးပေါင်းနိုင်ရန်အတွက် ဗြိတိသျအစိုးရမှ နည်းမျိုးစုံသုံးကြိုးပမ်းခဲ့ကြသည်။ ထိုသို့သောအခက်အခဲများရှိနေသည့်ကြားကပင် ဗိုလ်ချုပ်အောင်ဆန်း ဦးဆောင်သော မြန်မာကိုယ်စားလှယ်အဖွဲ့သည် လွတ်လပ်ရေးအတွက် ခိုင်မာသောပြင်ဆင်မှုတစ်ရပ်ဖြစ်သည့် အောင်ဆန်း-အက်တလီစာချုပ်ကို ချုပ်ဆိုနိုင်ခဲ့သည်။ ထို့နောက် ပြည်မနှင့်တောင်တန်းဒေသပေါင်းစည်းရေးအတွက် သဘောတူညီမှုရရှိခဲ့သော ပင်လုံစာချုပ်ကိုလည်း ၁၉၄၇ ဖေဖော်ဝါရီလ ၁၂ ရက်နေ့တွင် ရှမ်းပြည်နယ် တောင်ပိုင်းနှင့်မြောက်ပိုင်းဒေသ၏ ဗဟိုချက်ဖြစ်သော ပင်လုံမြို့တွင်ချုပ်ဆိုနိုင်ခဲ့သည်။ ပင်လုံစာချုပ်ချုပ်ဆိုနိုင်ခဲ့ခြင်းက လွတ်လပ်ရေးအပြည့်အ၀ရရှိရန်အတွက် လက်နက်တစ်ခုဖြစ်ခဲ့သည်။ ပြည်ထောင်စုနေ့အထိမ်းအမှတ်အနေဖြင့် ၁၉၄၇ ခုနှစ်ကာလများအတွင်း အောင်ဆန်း-အက်တလီစာချုပ် ချုပ်ဆိုရန်နှင့် ပင်လုံစာချုပ်ဖြစ်ပေါ်စေရန် ကြိုးပမ်းခဲ့သောနေ့ရက်များကို ပြန်လည်ဖော်ပြအပ်ပါသည်။
ပြည်ထောင်စုနေ့
ပင်လုံရိပ်မြုံ၊ တိုင်းသားစုံညီ၊
ကြွအုံနိုးကြား၊ ရှမ်းကယားတို့၊
သွေးသားနောင်ရင်း၊ ကချင်ချင်းပါ၊
မယွင်းအမှန်၊ အဓိဋ္ဌာန်ဖြင့်၊
မြန်မာကရင်၊ လက်တွဲယှဉ်လျက်၊
ကျောရင်မခွဲ၊ ညီညွတ်တွဲပြီး၊
စိတ်စွဲမှတ်ယူ၊ မော်ကွန်းထူခဲ့၊
ပြည်သူပြည်သား၊ တို့မြေဘွားများ၊
မိသားစုစိတ်၊ တဖိတ်ဖိတ်နှင့်၊
မျိုသိပ်မနိုင်၊ လွတ်ပန်းတိုင်ကို၊
အပိုင်ရရေး၊ စုဆွေးနွေးသည်၊
သွေးစည်းခဲ့သော နေ့တကား။
မောင်လှမြင့်(ရန်ကုန်ဆေးတိုက်)
၁၉၆၅ခုနှစ်၊ ဖေဖော်ဝါရီလ ၁၄ရက်နေ့ထုတ်၊ ရန်ကုန်သတင်းစာမှ....
၁၉၄၇၊ ဇန်န၀ါရီလ ၉ - ဗိုလ်ချုပ် အောင်ဆန်းနှင့်ကိုယ်စားလှယ်အဖွဲ
့ဝင် အချို့ အင်္ဂလန်နိုင်ငံသို့ရောက်ရှိ။
၁၉၄၇၊ ဇန်န၀ါရီလ ၁၀ မှ ၁၆ - ဖဆပလ အဖွဲ့ချုပ်မှကြီးမှူး၍ ရန်ကုန်မြို့နှင့် မြန်မာတစ်နိုင်ငံလုံးတွင် လွတ်လပ်ရေး ဆန္ဒနှင့်အင်အားပြပွဲရက်သတ္တပတ်
ဆင်နွှဲ။
၁၉၄၇၊ ဇန်န၀ါရီလ ၁၃- မြန်မာကိုယ်စား လှယ်အဖွဲ့နှင့်ဗြိတိသျအစိုးရတို
့ လန်ဒန် မြို့ အမှတ်-၁၀ ဒေါင်းနင်းလမ်းရှိ ဗြိတိသျနန်းရင်းဝန်ရုံး၌အစည်းအေ
ဝး ပြုလုပ်။ မြန်မာနိုင်ငံဘက်မှ ဗိုလ်ချုပ် အောင်ဆန်း၊ သခင်မြ၊ ဦးဘဖေ၊ ဦးတင်ထွဋ်၊ သခင်ဗစိန်၊ ဦးစောတို့ ပါဝင်ပြီး ဗြိတိသျဘက်မှနန်းရင်းဝန်ကြီး အက်တလီ၊ ဘဏ္ဍာရေးဝန်ကြီး ဆာ စတက်ဖို့ကရစ်တို့တက်ရောက်။
၁၉၄၇၊ ဇန်န၀ါရီလ ၁၅ - မြန်မာကိုယ် စားလှယ်အဖွဲ့နှင့် ဗြိတိသျကိုယ်စား လှယ်အဖွဲ့တို့ အစည်းအဝေးပြုလုပ်၊ မြန်မာကိုယ်စားလှယ်အဖွဲ့၏အထွေေ
ထွ ကြေညာချက်ကိုတင်သွင်း။
၁၉၄၇၊ ဇန်န၀ါရီလ ၂၁ - ပဒေသရာဇ် ရှမ်းပြည်နယ် စပ်ဖများကောင်စီက မြန်မာနိုင်ငံဘုရင်ခံဆာဟူးဘတ်
ရန့်စ်မှ တစ်ဆင့်ဗြိတိသျအစိုးရထံ'ရှမ်ြး
ပည်နယ် များကိစ္စ အမှာစာ ၁ နှင့် ၂ ကို ပေးပို့။ (လန်ဒန်ဆွေးနွေးပွဲကာလအတွင်း ရှမ်းပြည်နယ်ရှိ ပဒေသရာဇ်စော်ဘွား အချို့မှဗိုလ်ချုပ်အောင်ဆန်းသည် ရှမ်း စော်ဘွားများ၏ကိုယ်စားလှယ်မဟုတ်
၊ တောင်တန်းနယ်များ၏ကိစ္စကိုဆွေး နွေးရန် ရှမ်းစော်ဘွားများကို သီးသန့် ဖိတ်ကြားရန်ကြေးနန်းစာတစ်စောင် ပေးပို့ခဲ့။ ထိုကြေးနန်းစာကြောင့် ဗြိတိသျအစိုးရနှင့်ဗိုလ်ချုပ်ေ
အာင်ဆန်း တို့ဆွေးနွေးပွဲမှာ မပြေမလည်ဖြစ်ခဲ့၊ ရှမ်းပြည်နယ်မှ ဦးတင်အေး၊ ဦးထွန်း မြင့်၊ ဦးဖေခင် စသည့်တိုင်းရင်းသား ခေါင်းဆောင်လူငယ်များကတောင်ကြီး မြို့တွင် ရှမ်းပြည်နယ်လူထုအစည်း အဝေးကြီးကိုခေါ်ယူကျင်းပပြီး ဗိုလ်ချုပ် အောင်ဆန်းနှင့်ကိုယ်စားလှယ်အဖွဲ
့သည် ရှမ်းပြည်လူထု၏ကိုယ်စားလှယ်အစစ် အမှန်ဖြစ်ကြောင်းဆုံးဖြတ်ချက်ချ
ကာ လန်ဒန်သို့ ကြေးနန်းရိုက်ပို့ခဲ့။ ထို ကြေးနန်းစာရောက်ရှိပြီးမှလန်ဒန်
ဆွေး နွေးပွဲဆက်လက်ပြုလုပ်)
၁၉၄၇၊ ဇန်န၀ါရီလ ၂၁ - ဘကြီးဘဘေ (ဖဆပလအဖွဲ့ချုပ်၊ ဘုရင်ခံအမှုဆောင် ကောင်စီဝင်) အင်္ဂလန်သို့ ထွက်ခွာ။
၁၉၄၇၊ ဇန်န၀ါရီလ ၂၇ - အောင်ဆန်း-အက်တလီစာချုပ်ကိုလက်
မှတ်ရေးထိုး။သဘောတူညီချက်၏ နောက်ဆက်တွဲ ကို ဦးစောနှင့်သခင်ဗစိန်တို့ကသဘော မတူညီကြောင်း လက်မှတ်ရေးထိုး။ အောင်ဆန်း-အက်တလီစာချုပ်တွင် အချက် ၁၅ ချက်ပါဝင်ခဲ့ပြီး ထိုစာချုပ် သည်မြန်မာနိုင်ငံကိုလုံးဝလွတ်
လပ်ရေး ပေးသည့်စာချုပ်မဟုတ်သေးသော်လည်း
မြန်မာ့လွတ်လပ်ရေးအတွက် ခိုင်မာ စွာကြိုတင်ပြင်ဆင်ခဲ့သော ဗြိတိသျ- မြန်မာသဘောတူညီချက်ဖြစ်။
၁၉၄၇၊ ဇန်န၀ါရီလ ၃၁ - ဗိုလ်ချုပ် အောင်ဆန်းဦးဆောင်သည့် မြန်မာ ကိုယ်စားလှယ်အဖွဲ့ လန်ဒန်မှ မြန်မာ နိုင်ငံသို့ပြန်လည်ထွက်ခွာ။
၁၉၄၇၊ ဖေဖော်ဝါရီလ ၂ -ဗိုလ်ချုပ် အောင်ဆန်းဦးဆောင်သည့် မြန်မာ ကိုယ်စားလှယ်အဖွဲ့ပြန်လည်ရောက်
ရှိ။
၁၉၄၇၊ ဖေဖော်ဝါရီ ၃ မှ ၁၃ - ဒုတိယပင်လုံ အစည်းအဝေးကျင်းပ၊ ပထမပင်လုံ အစည်းအဝေးကို ၁၉၄၆ ခုနှစ် မတ်လ ၁ မှ ၁၂ အထိကျင်းပခဲ့။ ပထမအကြိမ် ပင်လုံအစည်းအဝေးသို့ သခင်နု၊ ဦးဘဂျမ်းနှင့်မန်းဘခိုင်တို့
ကဖဆပလ ကိုယ်စားလှယ်အဖြစ်တက်ရောက်။
၁၉၄၇၊ ဖေဖော်ဝါရီလ ၂ - ညပိုင်းတွင် ဗိုလ်ချုပ်အောင်ဆန်းမှ အောင်ဆန်း အက်တလီ သဘောတူညီချက်ကို ဖဆပလအမှုဆောင်အစည်းအဝေး၌ တင်ပြ။ အမှုဆောင်အဖွဲ့ဝင်တို့ ဆွေး နွေးပြီး သဘောတူညီချက်ကိုလက်ခံ ကြောင်းဆုံးဖြတ်။
၁၉၄၇၊ ဖေဖော်ဝါရီ ၃ - ဗိုလ်ချုပ် အောင်ဆန်းမှ ဖဆပလအဖွဲ့ချုပ်သို့ သတင်းစာဆရာများကို ဖိတ်ကြားပြီး လန်ဒန်၌ပြုလုပ်ခဲ့သော လွတ်လပ် ရေးဆွေးနွေးပွဲအကြောင်းရှင်းလင်
း။
၁၉၄၇၊ ဖေဖော်ဝါရီ ၄ - အောင်ဆန်း အက်တလီစာချုပ်နှင့်ပတ်သက်ပြီး ဗိုလ်ချုပ်အောင်ဆန်းမှ တိုင်းပြည်သို့ အသံလွှင့်အစီရင်ခံ။
၁၉၄၇၊ ဖေဖော်ဝါရီ ၅ - ကရင်ဗဟိုအဖွဲ့ ချုပ်မှကြီးမှူး၍ ကရင်ညီလာခံသဘင် ကျင်းပပြီး အောင်ဆန်း-အက်တလီ စာချုပ်သည် ကရင်အမျိုးသားတို့၏ အခွင့်အရေးကို ထိပါးနစ်နာစေသဖြင့် ကန့်ကွက်ကြောင်းဆုံးဖြတ်၊ ကန့် ကွက်ချက်ကို မြန်မာနိုင်ငံဘုရင်ခံမှ တစ်ဆင့်ဗြိတိသျနန်းရင်းဝန်ထံပေး
ပို့။ ညီလာခံတွင်လည်းစောဘဦးကြီးအား ဘုရင်ခံ၏အမှုဆောင်ကောင်စီမှ နုတ် ထွက်ရန်ဆုံးဖြတ်။
၁၉၄၇၊ ဖေဖော်ဝါရီ ၅ - တောင်တန်းဒေသ သဘောထားစုံစမ်းရေးနှင့်ပတ်သက်ြ
ပီး ဘုရင်ခံနေအိမ်တွင်သတင်းစာရှင်း
လင်းပွဲ တစ်ရပ်ပြုလုပ်။
၁၉၄၇၊ ဖေဖော်ဝါရီ ၇ - ပင်လုံညီလာခံ ကျင်းပနေစဉ်အတွင်း တောင်တန်း သားများစည်းလုံးညီညွတ်ရေးအဖွဲ့ (Supreme Council of United Hill People/SCOUHP) ကို ဖွဲ့စည်း။
၁၉၄၇၊ ဖေဖော်ဝါရီ ၇ - ရှမ်းစော်ဘွားများ နှင့် ရှမ်းပြည်သူ့ကိုယ်စားလှယ်များ ပူးပေါင်း၍ရှမ်းပြည်ကောင်စီအမှုေ
ဆာင် အဖွဲ့(Shan State Council)ဖွဲ့စည်း။
၁၉၄၇၊ ဖေဖော်ဝါရီ ၈ - ပင်လုံညီလာခံသို့ တက်ရောက်ရန် ဗိုလ်ချုပ်အောင်ဆန်း ပင်လုံသို့ ရောက်ရှိ။
၁၉၄၇၊ ဖေဖော်ဝါရီ ၉ - ဗြိတိသျဒိုမီနီယံ ရေးရာလက်ထောက်အတွင်းဝန် ဘော် တွမ်မလီ၊ မစ္စတာ လက်ဝဒ်ခ်ျ၊ ဂျွန် လေဒင်တို့ ပင်လုံသို့ရောက်ရှိ။
၁၉၄၇၊ ဖေဖော်ဝါရီ ၉ မှ ၁၁ - ဗိုလ်ချုပ် အောင်ဆန်းနှင့်တောင်တန်းဒေသခေါ
င်း ဆောင်များ အပြင်းအထန်ဆွေးနွေး။
၁၉၄၇၊ ဖေဖော်ဝါရီ ၁၀ - ဘုရင်ခံ အမှု ဆောင်ကောင်စီဝင်အဖွဲ့မှ သခင်ဗစိန် နှုတ်ထွက်။
၁၉၄၇၊ ဖေဖော်ဝါရီလ ၁၂ - ပင်လုံသဘော တူစာချုပ်ကို ဗိုလ်ချုပ်အောင်ဆန်းနှင့် တိုင်းရင်းသားခေါင်းဆောင် ၂၂ ဦး လက်မှတ်ရေးထိုးခဲ့။ ပင်လုံစာချုပ်တွင် လက်မှတ်ရေးထိုးခဲ့သော ခေါင်းဆောင် (၂၃)ဦးမှာ-
ဗိုလ်ချုပ်အောင်ဆန်း (မြန်မာပြည်ခေါင်းဆောင်)
စ၀်ခွန်ပန်းစိန် (တောင်ပိုင်းစော်ဘွား)
စ၀်ရွှေသိုက် (ညောင်ရွှေစော်ဘွား)
စ၀်ဟုန်ဖ (မြောက်ပိုင်းသိန္နီစော်ဘွား)
စ၀်နွံ (လဲချားစော်ဘွား)
စ၀်စံထွန်း (မိုင်းပွန်စော်ဘွား)
ခွန်ဖုန်း (မြောက်ပိုင်းသိန္နီ လူထုကိုယ်စားလှယ်)
စ၀်ထွန်းအေး (သာမိုင်းခမ်းစော်ဘွား)
ဦးတင်အေး (တောင်ကြီးလူထုကိုယ်စားလှယ်)
ဦးကြာပု (သီပေါလူထုကိုယ်စားလှယ်)
စ၀်ယိင်ဖ (သီပေါလူထုကိုယ်စားလှယ်)
ဆမားဒူဝါဆင်ဝါနောင် (မြစ်ကြီးနားကချင်ကိုယ်စား လှယ်)
ဒူဝါဇော်ရစ် (မြစ်ကြီးနားကချင်ကိုယ်စားလှယ်)
ဦးခွန်ထီး (ပင်လုံလူထုကိုယ်စားလှယ်)
ဦးထွန်းမြင့် (မောက်မယ်လူထုကိုယ်စားလှယ်)
ဦးခွန်စော (ပင်းတယလူထုကိုယ်စားလှယ်)
ဦးဖြူ (ဆီဆိုင်စော်ဘွားကိုယ်စားလှယ်)
ဦးဒိန်ရတန် (ဗန်းမော်ကချင်ကိုယ်စားလှယ်)
ဒူဝါးဇော်လွန်း (ဗန်းမော်ကချင်ကိုယ်စားလှယ်)
ဦးလဘန်းဂရောင် (ဗန်းမော်ကချင်ကိုယ်စားလှယ်)
ဦးလူမုန်း (ဖလမ်းချင်းကိုယ်စားလှယ်)
ဦးသောင်ဇာခုတ် (တီးတိန်ချင်းကိုယ်စားလှယ်)
ဦးကီယိုမာန် (ဟားခါးချင်းကိုယ်စားလှယ်)
၁၉၄၇၊ ဖေဖော်ဝါရီလ ၁၃ - ဘုရင်ခံအမှု ဆောင်ကောင်စီဝန်အဖြစ်မှ ဦးစော နှုတ်ထွက်။
၁၉၄၇၊ ဧပြီလ ၉ - ဗြိတိသျပါလီမန် က ပင်လုံစာချုပ်ကို အတည်ပြု။
ကိုးကား။ ပင်လုံစစ်တမ်း(ဦးအုန်းဖေ)၊ ငါတို့ ဗိုလ်ချုပ်ဘာလုပ်ခဲ့သလဲ(ဦးပုေ
လး)၊ တပ်မတော်သမိုင်း- တတိယတွဲ(၁၉၄၅-၁၉၄၈)၊ ၂၀ ရာစု မြန်မာ့သမိုင်းကို ပြောပြနေသောရက်စွဲများ(သန်းဝင်း
လှိုင်)နှင့် အခြား စာတမ်း၊ စာစောင်၊ သတင်းစာများ။
------------------------------------------------------------------------------------------------------------
၁၉၄၇ ခုနှစ် ပင်လုံစာချုပ် (အင်္ဂလိပ်ဘာသာ)
THE PANGLONG AGREEMENT 1947
Dated the 12th February 1947
A conference having been held at Panglong, attended by certain Members of the Executive Council of the Governor of Burma, all Saohpas and representative of the Shan States, the Kachin Hills and the Chin Hills:
The Members of the conference, believing that freedom will be more speedily achieved by the Shans, the Kachins and the Chins by their immediate co-operation with the Interim Burmese Government:
1. A Representative of the Hill Peoples, selected by the Governor on the recommendation of representatives of the Supreme Council of the United Hill Peoples (SCOUHP), shall be appointed a Counsellor for Frontier Areas shall be given executive authority by similar means.
2. The said Counsellor shall also be appointed a Member of the Governor's Executive Council, without portfolio, and the subject of Frontier Areas brought within the purview of the Executive Council by Constitutional Convention as in the case of Defence and External Affairs. The Counsellor for Frontier Areas shall be given executive authority by similar means.
3. The said Counsellor shall be assisted by two Deputy Counsellors representing races of which he is not a member. While the two Deputy Counsellors should deal in the first instance with the affairs of their respective areas and the Counsellor with all the remaining parts of the Frontier Areas, they should by Constitutional Convention act on the principle of joint responsibility.
4. While the Counsellor, in his capacity of Member of the Executive Council, will be the only representative of the Frontier Areas on the Council, the Deputy Counsellors shall be entitled to attend meetings of the Council when subjects pertaining to the Frontier Areas are discussed.
5. Though the Governor's Executive Council will be augmented as agreed above, it will not operate in respect of the Frontier Areas in any manner which would deprive any portion of those Areas of the autonomy which it now enjoys in internal administration. Full autonomy in internal administration for the Frontier Areas is accepted in principle.
6. Though the question of demarcating and establishing a separated Kachin State within a Unified Burma is one which must be relegated for decision by the Constituent Assembly, it is agreed that such a State is desirable. As a first step towards this end, the Counsellor for Frontier Areas and the Deputy Counsellors shall be consulted in the administration of such areas in the Myitkyina and the Bhamo Districts as are Part II Scheduled Areas under the Government of Burma Act of 1935.
7. Citizens of the Frontier Areas shall enjoy rights and privileges which are regarded as fundamental in democratic countries.
8. The arrangements accepted in this Agreement are without prejudice to the financial autonomy now vested in the Federated Shan States.
9. The arrangements accepted in this Agreement are without prejudice to the financial assistance which the Kachin Hills and the Union Hills are entitled to receive from the revenues of Burma, and the Exeutive Council will examine with the Frontier Areas Counsellor and Deputy Counsellors the feasibility of adopting for the Kachin Hills and the Chin Hills financial arrangement similar to those between Burma and the Federated Shan States.
Burmese Government.
(Signed) Aung San
Kachin Committee.
(Signed) Sinwa Naw, Myitkyina
(Signed) Zaurip, Myitkyina
(Signed) Dinra Tang, Myitkyina
(Signed) Zau La, Bhamo
(Signed) Zau Lawn, Bhamo
(Signed) Labang Grong, Bhamo
Chin Committee
(Signed) U Hlur Hmung, Falam
(Signed) U Thawng Za Khup, Tiddim
(Signed) U Kio Mang, Haka
Shan Committee
(Signed) Saohpalong of Tawngpeng State.
(Signed) Saohpalong of Yawnghwe State.
(Signed) Saohpalong of North Hsenwi State.
(Signed) Saohpalong of Laihka State.
(Signed) Saohpalong of Mong Pawn State.
(Signed) Saohpalong of Hsamonghkam State
(Signed) Representative of Hsahtung Saohpalong. Hkun Pung
(Signed) U Tin E
(Signed) U Htun Myint
(Signed) U Kya Bu
(Signed) Hkun Saw
(Signed) Sao Yape Hpa
(Signed) Hkun Hte
၁၉၄၇ ခုနှစ် ပင်လုံစာချုပ် (မြန်မာဘာသာ)
မြန်မာပြည်ဘုရင်ခံ၏ အမှုဆောင်ကောင်စီမှ အဖွဲ့ဝင်အချို့နှင့် စပ်ဖများအားလုံးတို့အပြင် ရှမ်းပြည် နယ်များ၊ ချင်းတောင်တန်းဒေသများနှင့် ချင်းတောင်တန်းဒေသတို့မှ ကိုယ်စားလှယ်များတို့ တက်ရောက်ကြသော ပင်လုံမြို့တွင်ကျင်းပသည့် အစည်းအဝေးကြီးတရပ်တွင် ကြားဖြတ်မြန်မာအစိုးရနှင့် ချက်ချင်းပူးပေါင်းခြင်းအားဖြင့် ရှမ်း၊ ကချင်နှင့် ချင်းတို့သည် လွတ်လပ်ရေးကို ပိုမို၍ လျှင်မြန်စွာ ရရှိလိမ့်မည်ဟု အစည်းအဝေးတက်ရောက်သူ အဖွဲ့ဝင် တို့သည် ကန့်ကွက်သူမရှိဘဲ အောက်ပါအတိုင်း သဘောတူညီကြလေသည်။
၁။ တောင်တန်းသားများ စည်းလုံးညီညွတ်ရေးအဖွဲ့ (တစညဖ) ၏ ကြိုးကိုင်အဖွဲ့ ကိုယ်စားလှယ် များ၏ ထောက်ခံချက်အရ တောင်တန်းသားများ၏ ကိုယ်စားလှယ်တဦးကို ဘုရင်ခံကရွေးချယ်၍ နယ်စပ်ဒေသများကိစ္စနှင့်ပတ်သက်၍ ဆောင်ရွက်ရန် အတွက် ဘုရင်ခံ၏ အတိုင်ပင်ခံပုဂ္ဂိုလ်အဖြစ် ခန့်ထားရမည်။
၂။ ဤအတိုင်ပင်ခံပုဂ္ဂိုလ်ကို ဘုရင်ခံ၏ အမှုဆောင်ကောင်စီတွင် ဌာနလက်ကိုင်မရှိ ကောင်စီဝင် တဦးအဖြစ်ခန့်ထား၍ ကာကွယ်ရေးနှင့် ပြည်ပကိစ္စရပ်များတွင် ထုံးနည်းဥပဒေအရ အမှုဆောင် ကောင်စီ၏ အာဏာလက်အောက်သို့ ရောက်ရှိသည့်နည်းတူ နယ်စပ်ဒေသကိစ္စများကိုလည်း အမှုဆောင်ကောင်စီ၏ အာဏာအောက်သို့ ရောက်ရှိစေရမည်။
ဤနည်းလမ်းများအတိုင်း နယ်စပ် ဒေသဆိုင်ရာ အတိုင်ပင်ခံပုဂ္ဂိုလ်အား အုပ်ချုပ်ခွင့်အာဏာကို ပေးအပ်ရမည်။
၃။ အဆိုပါ အတိုင်ပင်ခံပုဂ္ဂိုလ်ကို ၎င်းနှင့် လူမျိုးချင်း မတူသော ဒုတိယအတိုင်ပင်ခံနှစ်ဦးက ကူညီ စေရမည်။ ရှေးဦးစွာ ဒုတိယအတိုင်ပင်ခံပုဂ္ဂိုလ်နှစ်ဦးတို့သည် ၎င်းတို့အသီးသီး သက်ဆိုင်သည့် နယ်များ၏ ကိစ္စရပ်များကို ဆောင်ရွက်ရန်ဖြစ်၍ အတိုင်ပင်ခံပုဂ္ဂိုလ်မှာ အခြား နယ်စပ်ဒေသ အားလုံးတို့၏ ကိစ္စရပ်များကို ဆောင်ရွက်စေရန်ဖြစ်သည်။ ၎င်းတို့သည် ထုံးနည်းဥပဒေအရ တွဲဖက်တာဝန်ယူရသည့်မူအတိုင်း ရွက်ဆောင်စေရမည်။
၎။ အတိုင်ပင်ခံပုဂ္ဂိုလ်သည် အမှုဆောင်ကောင်စီတွင် အဖွဲ့ဝင်လူကြီးအနေဖြင့် နယ်စပ်ဒေသ များ၏ တဦးတည်းသော ကိုယ်စားလှယ်အဖြစ် ပါဝင်ရမည်ဖြစ်သော်လည်း ဒုတိယအတိုင်ပင်ခံ ပုဂ္ဂိုလ်များသည် နယ်စပ်ဒေသများနှင့် သက်ဆိုင်ရာကိစ္စရပ်များကို ဆွေးနွေးကြသည့်အခါ အမှုဆောင်ကောင်စီတွင် တက်ရောက်နိုင်ခွင့်ရှိစေရမည်။
၅။ အထက်တွင် သဘောတူညီသည့်အတိုင်း ဘုရင်ခံ၏အမှုဆောင်ကောင်စီကို တိုးချဲ့မည် ဖြစ်သော်လည်း နယ်စပ်ဒေသများ၏ နယ်တွင်းအုပ်ချုပ်ရေးတွင် ယခုခံစားနေရသော ကိုယ်ပိုင်အုပ်ချုပ်ရေးကို မည်သည့် နည်းနှင့်မဆို တစုံတရာ လက်လွတ်စေရန် အဆိုပါကောင်စီက ပြုလုပ်ခြင်းမရှိစေရ။ နယ်စပ်ဒေသများ အတွက် နယ်တွင်းအုပ်ချုပ်ရေးတွင် ကိုယ်ပိုင်အုပ်ချုပ်ရေး ရာခိုင်နှုန်းအပြည့် ရှိစေရမည်ဟူသောမူကို သဘောတူညီကြသည်။
၆။ ပူးပေါင်းထားပြီးသည့် မြန်မာပြည်အတွင်း သီးသန့် ကချင်ပြည်နယ်တခု နယ်နိမိတ်သတ်မှတ်၍ တည်ထောင်ရန် ပြဿနာမှာ တိုင်းပြုပြည်ပြုလွှတ်တော်က ဆုံးဖြတ်ရန်ဖြစ်သော်လည်း ဤကဲ့သို့ သီးခြားပြည်နယ်တခု ထားရှိသင့်ကြောင်းကို သဘောတူညီကြသည်။ ဤရည်ရွယ်ချက် အထမြောက်ရန်အလို့ငှာ ပထမခြေလှမ်းအနေဖြင့် ၁၉၃၅ ခုနှစ် မြန်မာနိုင်ငံတော်အစိုးရ အက်ဥပဒေအရ နောက်ဆက်တွဲစာရင်းပါ အပိုင်း (၂) ဒေသများကဲ့သို့ မြစ်ကြီးနားနှင့် ဗန်းမော်ခရိုင်တို့၏ အုပ်ချုပ်ရေးတွင် နယ်စပ်ဒေသ အတိုင်ပင်ခံပုဂ္ဂိုလ်နှင့် ဒုတိယအတိုင်ပင်ခံ ပုဂ္ဂိုလ်အား ဆွေးနွေးတိုင်ပင်ရမည်။
၇။ နယ်စပ်ဒေသများ၏ နယ်သူနယ်သားတို့သည် ဒီမိုကရေစီနိုင်ငံများတွင် အခြေခံများအဖြစ် အသိအမှတ်ပြုထားသော အခွင့်အရေးများတို့ကို ခံစားနိုင်ခွင့်ရှိစေရမည်။
၈။ ဤစာချုပ်တွင် သဘောတူကြသည့် အစီအစဉ်မှာ ပဒေသရာဇ် ရှမ်းပြည်နယ် နယ်မြေစုတွင် ယခု အပ်နှင်းထားပြီးသော ဘဏ္ဍာရေးနှင့် ပတ်သက်သည့် ကိုယ်ပိုင်အုပ်ချုပ်ရေးကို ထိခိုက်ခြင်း မရှိစေရန်။
၉။ ဤစာချုပ်တွင် သဘောတူညီကြသည့် အစီအစဉ်မှာ မြန်မာပြည် အခွန်တော်ငွေများမှ ကချင် တောင်တန်းနယ်များနှင့် ချင်းတောင်တန်းနယ်များက ရသင့်ရထိုက်သော ဘဏ္ဍာရေးအကူအညီကို ထိခိုက်ခြင်း မရှိစေရ၊ မြန်မာပြည်နှင့် ပဒေသရာဇ် ရှမ်းပြည်နယ်မြေစု၏ ဘဏ္ဍာရေး အစီအစဉ်များကဲ့သို့ ကချင်တောင်တန်းနှင့် ချင်းတောင်တန်းများအတွက် အလားတူအစီ
အစဉ်များကို ထားရှိကျင့်သုံးရန် ဖြစ်နိုင်မည်၊ မဖြစ်နိုင်မည်ကို ဘုရင်ခံ၏ အမှုဆောင်ကောင်စီက နယ်စပ်ဒေသများ၏ အတိုင်ပင်ခံပုဂ္ဂိုလ်နှင့် ဒုတိယအတိုင်ပင်ခံပုဂ္ဂိုလ်တို့နှင့် အတူ စစ်ဆေးကြည့်ရှုရမည်။
မြန်မာနိုင်ငံတော်အစိုးရ
(ပုံ) အောင်ဆန်း
၁၂-၂-၄၇
ကချင်ကော်မတီ
ဆမားဒူးဝါးဆင်ဝါးနောင် (မြစ်ကြီးနား)
ဇော်ရစ် (မြစ်ကြီးနား)
ဒိန်ရတန် (မြစ်ကြီးနား)
ဇော်လ (ဗန်းမော်)
ဇော်လွန်း (ဗန်းမော်)
လဗန်းဂရောင်း (ဗန်းမော်)
ချင်းကော်မတီ
ဦးလွှာမှုန်း (အေတီအမ်။ အိုင်တီအက်(စ်)အမ်၊ ဖလမ်း)။
ဦးသောင်ဇာခပ် (အေတီအမ်၊ တီးတိန်)။
ဦးကွယ်မန်း (အေတီအမ်၊ ဟားခါး)။
ရှမ်းကော်မတီ
ခွန်ပန်းစိန် (တောင်ပိုင်းစပ်ဖလုံ)၊
စပ်ရွှေသိုက် (ညောင်ရွှေစပ်ဖလုံ)၊
စပ်ဟုံဖ (မြောက်ပိုင်းသိန္နီစပ်ဖလုံ)၊
စပ်နွံ (လဲချား၊စပ်ဖလုံ)၊
စပ်စံထွန်း (မိုင်းပွန်စပ်ဖလုံ)၊
စပ်ထန်းအေး (သာမိုင်းခမ်းစပ်ဖလုံ)၊
ဦးဖြူ (သထုံစပ်ဖလုံ၏ ကိုယ်စားလှယ်)၊
ခွန်းဖုံး (မြောက်ပိုင်းသိန္နီ)၊
ဦးတင်ဧ၊
ဦးထွန်းမြင့်၊
ဦးကြာပု၊
ဦးခွန်စော၊
စပ်ရစ်ဖ၊
ဦးခွန်ထီး။
----------------------------------------------------------------------------------------------------------
ပင်လုံရှုခင်း (၁၉၄၇)
ဆောင်းအကုန် နွေအကူး ကြည်နူးစရာ ဥတုမသ အခါသမယဖြစ်သည့် ကမ္ဘောဇတိုင်း၊ လဲချားမြို့နယ် ပင်လုံမြို့ကလေး၏ နံနက်ခင်းမှာ အထူးပင် သာယာရှုမောဖွယ်ကောင်းနေပါသည်။
“နှင်းငွေကျံ လေပြန်လောင်းလို့ ညှာညောင်းကြွေလု စုံတစ်ခွင်” ဟူသော မြ၀တီ မင်းကြီး၏လက်ရာ “ရ၀ိန်ဒေါင်းယဉ်ပျံ” ပတ်ပျိုးသီချင်းမှ အပိုဒ်ကို အထူးသတိရဖွယ်ကောင်းလှသော အခါကာလလည်း ဖြစ်ပါသည်။
ထို့နေ့ကား (၁၉၄၇) ခုနှစ် ဖေဖော်ဝါရီလ (၁၂) ရက်နေ့တည်း။
ဖေဖော်ဝါရီလ ၁၃-ရက် နေ့ဆိုလျှင် ဗိုလ်ချုပ်အောင်ဆန်းအသက် (၃၂) နှစ်တင်းတင်းပြည့် မွေးနေ့  ဖြစ်သည်။ သို့သော် သူ့အဖို့ ၁၉၄၇-ခုနှစ် ဖေဖော်ဝါရီလ (၁၂) ရက်နေ့သည်လည်း သူ၏ဘ၀တွင် အရေးကြီးဆုံး နေ့တစ်နေ့ ဖြစ်နေသည်။ အကြောင်းမူကား ထိုနေ့သည် ပြည်ထောင်စုပုံစံဖြင့် လွတ်လပ်သော ဗမာနိုင်ငံတော်ဖြစ်ပေါ်စေသည့် သမိုင်းဝင် ပင်လုံညီညွတ်ရေးစာချုပ်ကြီး လက်မှတ်ရေးထိုးကြရမည့်နေ့ ပင်ဖြစ်သောကြောင့်ပေတည်း။
ထိုနေ့ (၁၂ - ၂ - ၁၉၄၇) နေ့ နံနက်ခင်းက ပင်လုံမြို့ကလေး၏ ရှုခင်းမှာ အထက်တွင် ဖော်ပြခဲ့သည့် အတိုင်း သောတာလင်္ကာရတေးတစ်ပုဒ်ဖြစ်သော “ရ၀ိန်ဒေါင်ယဉ်ပျံ” ပတ်ပျိုးသီးချင်းမှ “နှင်းငွေကျံ လေပြန်လောင်းလို့” ချီအပိုဒ်ထဲကလို ငွေနှင့်မှုန်မှုန်ဖြင့် သာယာကြည်နူးဖွယ်ကောင်းနေလင့်ကစား ကျွန်တော်၏ စိတ်ထဲတွင်မူ ပင်လုံ ညီညွတ်ရေးစာချုပ်ကြီး အောင်မြင်စွာ လက်မှတ်ရေးထိုးပြီးသည့် အချိန်မရောက်သေးသဖြင့် ၀မ်းမြောက်ကျေနပ်ခြင်း မဖြစ်နိုင်သေးဘဲ သဘာဝမိခင်က အထူးတလည်ခြယ်မှုန်းပေးထားသည့် ပင်လုံရှုခင်းလှပမှု အရသာကို ကောင်းစွာ မခံစားနိုင်ဘဲ ဖြစ်နေပါသည်။
အထူးတလည် စီမံဆောက်လုပ်ထားသော စာချုပ်လက်မှတ်ထိုးကြမည့် မဏ္ဍပ်ကြီးအတွင်းသို့ ဗိုလ်ချုပ်အောင်ဆန်း ခေါင်းဆောင်သော ကျွန်တော်တို့ ပြည်မမှ ဗမာကိုယ်စားလှယ် ခုနှစ်ဦးစလုံးရောက်ရှိနေချိန်အထိ ကျွန်တော်သည် စိတ်ထဲမှ ကြိတ်၍ စိုးရိမ်နေဆဲ ဖြစ်ပါသည်။
ထို့ပြင် ပင်လုံစာချုပ် ဖြစ်မြောက်ရန် မည်သူမှ စိတ်ကူးယဉ် အိပ်မက်ပင် မမက်ကြသောအချိန်မှစ၍ ဗိုလ်ချုပ်အောင်ဆန်း၏ “ပြည်ထောင်စုစိတ်ဓာတ် ရှင်သန်ထက်မြတ်ရေး၊ တိုင်းရင်သား စည်းလုံးညီညွတ်ရေး” အထူးကြိုးစားတည်ဆောက်ခဲ့ပုံများကိုပါ ပြန်လည်သတိရ မြင်ယောင်နေမိပါသည်။
(၁၉၄၂) ခုနှစ်က သာဓကတစ်ခုကို တင်ပြလိုပါသည်။ ဗိုလ်ချုပ်အောင်ဆန်းနှင့် “ဗိုလ်မိုးကြိုး” ခေါ် ဂျပန် ဗိုလ်မှူးကြီး ဆူဇူကီး (ရဲဘော်သုံးကျိပ်အား စစ်ပညာသင်ကြားပေးခဲ့သည့် “မီနာမီကီကန်” အဖွဲ့အကြီးအကဲ) တို့ ဦးစီးကွပ်ကဲသော ဗမာ့လွတ်လပ်ရေး (ဘီအိုင်အေ) တပ်မတော်နှင့် ဂျပန်ဘုရင့်တပ်မတော် တပ်မဟာ (၃၃) တို့ ပူးတွဲစစ်ကြောင်းသည် ရန်ကုန်မြို့တော်ကို (၁၉၄၂) ခုနှစ် မတ်လ (၈) ရက်နေ့က အောင်မြင်စွာ သိမ်းပိုက်နိုင်ခဲကြောင်းကို ယနေ့ လူကြီးပိုင်းအရွယ် ပုဂ္ဂိုလ်များက မှတ်မိကြမည် ထင်ပါသည်။
ဗြိတိသျှနယ်ချဲ့စစ်တပ်များသည် ရန်ကုန်မြို့ကို စွန့်ခွာနောက်ဆုတ်ပြေးခဲ့သော်လည်း ခံစစ်သဘော ဆက်လက်တိုက်ရင်း ဆုတ်နေသဖြင့် ဘီအိုင်အေတပ်များ အထက်ဗမာနိုင်ငံသို့ ဆက်လက်ချီတက်ရန်အတွက် စစ်သည်အင်အား မလုံမလောက် ဖြစ်နေပါသည်။ ထိုစဉ်က ဗမာ့လွတ်လပ်ရေးတပ်မတော်တွင် အင်အား သုံးထောင်ခန့်သာရှိသဖြင့် နောက်ထပ် စစ်သည်အင်အား တော်တော်များများ ဖြည့်တင်းရန် လိုနေရာ သန်စွမ်းသော လူငယ်များအား “ဘီအိုင်အေ” တပ်မတော်သို့ ၀င်ရောက်အမှုထမ်းရန်အတွက် စစ်သားသစ် စုဆောင်းရန် စီစဉ်ပါသည်။ ရသမျှ စစ်သားသစ်များအား ရန်ကုန်မှာပင် အမြန်လေ့ကျင့်သင်ကြားပေးပြီး အထက်ဗမာနိုင်ငံသို့ ဆက်လက်ချီတက် တိုက်ခိုက်ရန် ရည်ရွယ်ပါသည်။
ယင်းသို့ စစ်သားစုဆောင်းရေးအတွက် စည်းရုံးလှုံ့ဆော်ချက် စာတမ်းတစ်စောင်ကို (၁၉၄၂) ခုနှစ် မတ်လ (၃၁) ရက်နေ့က ဗိုလ်ချုပ်အောင်ဆန်းကိုယ်တိုင် မူကြမ်းရေးပြီး ရန်ကုန်အရှေ့ပိုင်း၊ ဗိုလ်ချုပ်လမ်း (ရေကျော်) ရှိ ဗမာပိုင် အင်္ဂလိပ် သတင်းစာ “နယူးဘားမား” သတင်းစာတိုက်တွင် စောင်ရေ အမြောက်အမြား ပုံနှိပ်၍ ဖြန့်ဝေခဲ့ပါသည်။
စာတမ်းအောက်တွင် “ဗိုလ်ချုပ် ဗိုလ်တေဇ၊ ဗမာ့လွတ်လပ်ရေးတပ်မတော်” ဟု ဗိုလ်ချုပ်အောင်ဆန်း၏ အမည်ဝှက်ကို ဖော်ပြထားပါသည်။
ယင်းစာတမ်းတွင် အပိုဒ် (၁၀) ပိုဒ် ပါရှိရာ ဤဆောင်းပါးနှင့် တိုက်ရိုက်သက်ဆိုင်သော အပိုဒ် (၆) နှင့် အပိုဒ် (၈) တို့ကိုသာ ထုတ်နှုတ်ဖော်ပြလိုပါသည်။
အပိုဒ် (၆) ဗမာ့လွတ်လပ်ရေးတပ်မတော်သည် ဗမာတိုင်းရင်းသားအားလုံး စည်းလုံးညီညွတ်မှု့ရရှိအောင် ကြိုးပမ်းဆောင်ရွက်မည် ဖြစ်၏။ လွတ်လပ်ရေး လိုလားသူတို့ တစည်းတလုံးတည်း ရှိအောင် လုပ်မည် ဖြစ်၏။
အပိုဒ် (၇) ဗမာလွတ်လပ်ရေးတပ်မတော်သည် ရှမ်း၊ ချင်း၊ ကချင်စသော တိုင်းရင်းသားလူမျိုးစုများနှင့် တစ်သွေးတည်း တစ်စိတ်တည်း ရှိ၏။ ဗမာတိုင်းရင်သားအားလုံး တန်းတူရည်တူ အခွင့်အရေး ရရှိစေမည် ဖြစ်၏။
စာတမ်း၏ နောက်ဆုံးအပိုဒ်တွင် “ထို့ကြောင့် ဗမာ့လွတ်လပ်ရေးတပ်မတော်သို့ အလုံးအရင်းနှင့် ၀င်ကြ လော့” ဟု အဆုံးသတ်ထားပါသည်။
စာတမ်းအရေးအသားကို လေ့လာကြည့်ပါက ဗိုလ်ချုပ်အောင်ဆန်း၏ ၀ါသနာအတိုင်း၊ ၀ါကျတည်ဆောက်ပုံနှင့် တိုတိုနှင့် လိုရင်းကို တိကျပြတ်သားစွာ ရေးထားပုံကို သတိပြုမိမည်ဖြစ်ပြီး၊ သူ၏ စိတ်နေစိတ်ထားနှင့် စရိုက်ကို ပေါ်လွင်စေသည် ဖြစ်ပါသည်။ ထို့ပြင် ဗိုလ်ချုပ်အောင်ဆန်း၏ “ပြည်ထောင်စုစိတ်ဓါတ်” နှင့် တိုင်းရင်းသားစည်းလုံးညီညွတ်ရေးကို အဓိကအင်အားအဖြစ် တည်ဆောက်လိုစိတ်ကိုပါ ထိုအချိန်အခါ (၁၉၄၂) ခုနှစ်ကပင် ထင်ရှားစေခဲ့ပါသည်။
(၁၉၄၂) ခုနှစ်၊ ဧပြီလဆန်းတွင် မြစ်ဝကျွန်းပေါ်ဒေသ၌ ဖြစ်ပွားခဲ့သော ကရင်-ဗမာ ပဋိပက္ခအရေးအခင်း ပိုမိုကြီးထွားလာမည့် အန္တ့ရာယ်ကို မြင်သူ ဗိုလ်ချုပ်အောင်ဆန်းသည် သူ၏ ဦးဆောင်လမ်းညွှန်မှုဖြင့် ကရင်ခေါင်းဆောင်များနှင့် နားလည်မှုယူကာ ငြိမ်းချမ်းရေးကို မဖြစ်မနေရရှိအောင် ကြိုးစားခဲ့သည်။
(၁၉၄၃ - ၄၅) နှစ်အတွင်း တိုင်းရင်းသားလူမျိုးစု လူငယ်များကို စည်းရုံးပြီး ဗမာ့တပ်မတော်တွင် ၀င်ရောက် အမှုထမ်းစေခဲ့ပုံ၊ စစ်ပြီးခေတ် (၁၉၄၅) တွင်လည်း ဗြိတိသျှနယ်ချဲ့သမားထံမှ လွတ်လပ်ရေးကို တိုင်းရင်းသား စည်းလုံးညီညွတ်ရေးအင်အားဖြင့် မရ ရအောင် ယူမည်ကို အကြိမ်ကြိမ် ကြွေးကြော်ခဲ့ပြီး (၁၉၄၇) ခုနှစ် ဇန်န၀ါရီ လဆန်း (၂) ရက်နေ့က အင်္ဂလန်နိုင်ငံသို့ ဗမာ့လွတ်လပ်ရေးအတွက် အရေးဆိုရန် ခရီးထွက်ချိန် မတိုင်မီရက်ပိုင်းများအထိ တိုင်းရင်းသားလူမျိုးစုများ နေထိုင်ရာ ဒေသအနှံ့အပြားသို့ အပင်ပန်းခံ သွားရောက်ဟောပြောစည်းရုံးခဲ့ပုံ စသော အတိတ်မှ အရိပ်များကို ကျွန်တော်သည် ပင်လုံမြို့ရှိ မဏ္ဍပ်ကြီးအတွင်း ထိုင်နေရင်း ပြန်ပြောင်းစဉ်းစားနေမိပါသည်။
စောစောပိုင်းက ချီတုံချတုံနှင့် တွေဝေနေသူ လူမျိုးစုခေါင်းဆောင် (ရှမ်းစော်ဘွားနှင့် ကချင်ဒူးဝါး) အချို့သည် ယမန်နေ့  (၁၁ - ၂ - ၁၉၄၇) ညနေဘက်က ဗိုလ်ချုပ်အောင်ဆန်း၏ ရှင်းပြချက်ကို သဘောတူ လက်ခံခဲ့ကြသော်လည်း၊ နောက်တစ်နေ့  (၁၂ - ၂ - ၁၉၄၇) နံနက် တကယ်တမ်း စာချုပ်လက်မှတ်ရေးထိုးရချိန်တွင် လက်မှတ်ထိုးကြပါ့မလားဟု စိုးရိမ်နေမိပါသည်။
ဗိုလ်ချုပ်အောင်ဆန်းကိုယ်တိုင်ကတော့ ယမန်နေ့  (၁၁ - ၂ - ၁၉၄၇) ရက်နေ့ ညနေက လူမျိုးစုခေါင်းဆောင်များအား ရှင်းလင်း ပြောပြပြီးချိန်မှစ၍ သူတည်ဆောက်ရန် မျှော်မှန်းထားသည့် “ပြည်ထောင်စုကြီး” ဧကန်မုချ အကောင်အထည်ပေါ်လာတော့မည်ဟု တစ်ထစ်ချ ယုံကြည်ထားဟန်ဖြင့် မျက်နှာထား ရွှင်လန်းနေပုံရပါသည်။
ကြိုတင်သတ်မှတ်ထားသည့် အချိန်ဖြစ်သော နံနက် (၁၀) နာရီထိုးသည်နှင့် ဗိုလ်ချုပ်အောင်ဆန်းသည် ထိုင်ရာမှထ၍ စားပွဲကြီးပေါ်တွင် အသင့်တင်ထားသော စာချုပ်ရှိရာသို့ သွက်လက်စွာ လျှောက်သွားပြီး၊ သူ၏ အင်္ကျီအိတ်မှ သူကိုင်နေကျ “ပါကား” အမျိုးအစား PARKER VACUMATIC ဖောင်တိန်အဟောင်းကို ထုတ်ယူကာ ဗမာပြည်မကိုယ်စားလှယ်ခေါင်းဆောင်အဖြစ် ထိပ်ဆုံးမှ စတင် လက်မှတ်ထိုးလိုက်ပါသည်။
ထိုအချိန်အထိ ကျွန်တော်သည် ကျန်လူမျိုးစုခေါင်းဆောင်များ လက်မှတ်ထိုးပါ့မလားဟု စိတ်ထဲမှ စိုးရိမ်နေဆဲ ဖြစ်ပါသည်။
သို့သော် ကျွန်တော် စိုးရိမ်သလို မဖြစ်ဘဲ တိုင်းရင်းသားလူမျိုးစုကိုယ်စားလှယ် စုစုပေါင်း (ဗိုလ်ချုပ်အောင်ဆန်းအပါအ၀င်) (၂၂) ဦးတို့သည် တစ်ယောက်ပြီး တစ်ယောက် အောက်ပါအစီအစဉ်အတိုင်း လက်မှတ်ထိုးလိုက်ကြတော့သည်။
၁။ ဗိုလ်ချုပ်အောင်ဆန်း (ဗမာပြည်မခေါင်းဆောင်)၊
၂။ စ၀်ခွန်ပန်ဆိုင်း (တောင်ပိုင်းစော်ဘွား)၊
၃။ စ၀်ရွှေသိုက် (ညောင်ရွှေစော်ဘွား)၊
၎။ စ၀်ဟုန်ဖ (မြောက်ပိုင်းသိန္နီစော်ဘွား)၊
၅။ စ၀်နန်း (လဲချားစော်ဘွား)၊
၆။ စ၀်ထွန်းအေး (သာမခမ်းစော်ဘွား)၊
၇။ ဦးခွန်ပန်း (လူထုကိုယ်စားလှယ်၊ မြောက်ပိုင်းသိန္နှီ)၊
၈။ ဦးတင်အေး (လူထုကိုယ်စားလှယ်၊ တောင်ကြီး)၊
၉။ ဦးကြာပု (လူထုကိုယ်စားလှယ်၊ သီပေါ)၊
၁၀။ စ၀်ယစ်ဖ (လူထုကိုယ်စားလှယ်၊ သီပေါ)၊
၁၁။ ဆမားဒူဝါဆင်ဝါးနောင် (ကချင်ကိုယ်စားလှယ်၊ မြစ်ကြီးနား)၊
၁၂။ ဒူးဝါးဇော်ရစ် (ကချင်ကိုယ်စားလှယ်၊ မြစ်ကြီးနား)၊
၁၃။ ဦးခွန်ထီး (လူထုကိုယ်စားလှယ်၊ ပင်လုံ)၊
၁၄။ ဦးထွန်းမြင့် (လူထုကိုယ်စားလှယ်၊ မောက်မယ်)၊
၁၅။ ဦးခွန်စော (လူထုကိုယ်စားလှယ်၊ ပင်းတယ)၊
၁၆။ ဦးဖြူ (ကျိုင်းတုံ စော်ဘွားကိုယ်စားလှယ်)၊
၁၇။ ဦးဒိန်ရတန် (ကချင်ကိုယ်စားလှယ်၊ မြစ်ကြီးနား)၊
၁၈။ ဒူးဝါးဇော်လွန်း (ကချင်ကိုယ်စားလှယ်၊ ဗန်းမော်)၊
၁၉။ ဦးလဘန်ဂရောင်း (ကချင်ကိုယ်စားလှယ်၊ ဗန်းမော်)၊
၂၀။ ဦးလှူမှုန် (ချင်းကိုယ်စားလှယ်၊ ဖလန်း)၊
၂၁။ ဦးသောင်ဇာခုတ် (ချင်းကိုယ်စားလှယ်၊ တီးတိန်)၊
၂၂။ ဦးဝမ်ကိုဟော (ချင်းကိုယ်စားလှယ်၊ ဟားခါး)။
ကျွန်တော့်အနေဖြင့် စောစောက စိုးရိမ်မိခြင်းမှာ ဗိုလ်ချုပ်အောင်ဆန်းခေါင်းဆောင်သော ဗမာကိုယ်စားလှယ်အဖွဲ့ ဗြိတိန်နိုင်ငံသို့ သွား၍ လွတ်လပ်ရေးအတွက် ဆွေးနွေးအရေးဆိုနေခိုက် ဗမာပြည်ရှိ တောင်တန်း ဒေသအုပ်ချုပ်ရေးဌာနမှ မျက်နှာဖြူအရာရှိများ၊ သာသနာပြုဆရာအယောင်ဆောင် ဗြိတိသျှနယ်ချဲ့လက်ပါးစေများက တိုင်းရင်သားလူမျိုးစုခေါင်းဆောင်များအား နည်းမျိုးစုံဖြင့် စည်းရုံးကာ သွေးခွဲမှုကြောင့် ရှမ်းနှင့် ကချင်ခေါင်းဆောင်အချို့  တွေဝေနေသဖြင့် ပင်လုံစာချုပ် တကယ်လက်မှတ်ရေးထိုးကြမည့် (၁၂ - ၂ - ၁၉၄၇) နေ့တွင် လက်မှတ် မထိုးဘဲ နေကြမည်ကို စိုးရိမ်မိခြင်း ဖြစ်ပါသည်။
သို့ရာတွင် (၁၁ - ၂ - ၁၉၄၇) နေ့က ဗိုလ်ချုပ်အောင်ဆန်း ကိုယ်တိုင် ရှင်းလင်းဆွေးနွေးချက်ကို အားလုံးသဘောပေါက် လက်ခံလိုက်ကြသဖြင့် ဗြိတိသျှတို့ မျှော်လင့်သလို မဖြစ်ဘဲ ပင်လုံစာချုပ်လက်မှတ်ရေးထိုးပွဲ ထမြောက် အောင်မြင်သွားခဲ့ပါသည်။
တစ်နည်းအားဖြင့် တိုင်းရင်းသားလူမျိုးစုခေါင်းဆောင်များက ဗိုလ်ချုပ်အောင်ဆန်း၏ ခေါင်းဆောင်မှုကို လက်ခံလျက် ပြည်ထောင်စုပုံစံဖြင့် လွတ်လပ်သော သမ္မတနိုင်ငံတော်သစ်ကို တည်ထောင်လိုက်ကြသည့် သဘောပင် ဖြစ်သည်။
နှစ်ပရိစ္ဆေဒအားဖြင့် ကြာသွားပြီဖြစ်သော်လည်း (၁၉၄၇) ခုနှစ်၊ ဖေဖော်ဝါရီလ (၁၂) ရက်နေ့က “ပင်လုံရှုခင်း” ကို ပြန်လည်သတိရမြင်ယောင်နေမိပါသတည်း။
(တက္ကသိုလ်နေ၀င်းရေးသားခဲ့သော “ပြည်ထောင်စုဗိသုကာ ဗိုလ်ချူပ်အောင်ဆန်း” စာအုပ်မှ ပြန်လည်ကောက်နှုတ်ဖေါ်ပြခြင်း ဖြစ်ပါသည်)။
------------------------------------------------------------------------------------------------------------
ပင်လုံစာချူပ်အား ဗိုလ်ချူပ်အောင်ဆန်း လက်မှတ်ရေးထိုးနေစဉ်။
စစ်မှန်သော တိုင်းရင်းသား စည်းလုံးညီညွတ်မှုဖြင့် ပြည်ထောင်စုမြန်မာနိုင်ငံတော်ကြီးအဖြစ် တည်ဆောက်ပေါ်ပေါက်စေခဲ့သော ပင်လုံစာချူပ်အား ဗိုလ်ချူပ်အောင်ဆန်း လက်မှတ်ရေးထိုးနေစဉ်။
စစ်မှန်သော တိုင်းရင်းသား စည်းလုံးညီညွတ်မှုဖြင့် ပြည်ထောင်စုမြန်မာနိုင်ငံတော်ကြီးအဖြစ် တည်ဆောက်ပေါ်ပေါက်စေခဲ့သော ပင်လုံစာချူပ်အား ဗိုလ်ချူပ်အောင်ဆန်း လက်မှတ်ရေးထိုးနေစဉ်။
(၁၉၄၇ ခုနှစ်၊ ဖေဖေါ်ဝါရီလ (၁၂) ရက်နေ့  - ပြည်ထောင်စုနေ့ )။
-----------------------------------------------------------------------------------------------------------
*****လရိပ်ရေးထားတာ မဟုတ်ပါဘူး။ သူများဘလော့တွေဆီကနေ ကူးပြီး တင်ခြင်းဖြစ်ပါတယ်။ သို့သော် ဘယ်ဘလော့ကကူးခဲ့သည်ကို မမှတ်မိတော့ပါ။ ၂ နှစ်လောက်ကြာသွားပြီဖြစ်ပါတယ်။ အဲဒီအတွက် ရေးခဲ့သော စီနီယာဘလော့ဂါများကို ဒီကနေဘဲ တောင်းပန်လိုက်ပါတယ်။
မနက်အစောကြီးတင်ရမှာ ၊ အိမ်ကိုခုမှပြန်ရောက်လို့ ခုမှဘဲ တင်လိုက်ရပါတော့တယ်။
လေးစားစွာဖြင့်
လရိပ်အိမ်
