သူနှင့်၂၀၁၂ နောက်ဆုံးရက်

ဒီနေ့သည် နှစ်တစ်နှစ်အကုန် ၊ နောက်တစ်နှစ်သို့ကူးပြောင်းမည့်နေ့ဖြစ်သည်။ 

သူဒီနေ့ဘာတွေလုပ်ခဲ့လဲ။ သူဒီနေ့ဆေးခန်းပြရန် ဆရာဝန်နှင့်ချိန်းထားသည်။ ညနေမှပြရမည်ဖြစ်သည်။

ဒီနေ့အမတစ်ယောက်လဲ သူပြသည့်ဆေးရုံတွင် ဆေးခန်းပြစရာရှိ၍ ဆေးရုံကြီးတွင် သူ တွန်ကင် အစောကြီးသွားယူပေးသည်။ အွန်လိုင်းတွင် တွန်ကင်ပြည့်နေပြီဖြစ်သည်။ မနက်အစောကြီးသွားယူနိုင်ရင်တော့ နံပတ်ရပါသည်။

ခါတိုင်းမနက် ၉နာရီခွဲ ၊ ၁၀နာရီထိအိပ်ဖြစ်သည်။ ညဆိုရင် သူအမြဲနောက်ကျမှအိပ်ဖြစ်သည်။ သူအိပ်မပျော်ပါ။ မနက်က ၅နာရီ၁၅မိနစ်ထရမည်ဖြစ်၍ မနေ့ညတော့ ၁၂နာရီကိုအတင်းအိပ်ပစ်လိုက်သည်။ အတင်းအိပ်တိုင်းအိပ်နိုင်သည်လို့မထင်ပါနှင့်။ မနေ့ကလဲ အစောကြီးထထားသောကြောင့်ဖြစ်သည်။ ကော်စကိုတွင် ပစ္စည်းသွားဝယ်စရာရှိသောကြောင့်ဖြစ်သည်။ သူခရီးသွားစရာရှိသည်။ သူငယ်ချင်းမှာထားသောပစ္စည်းများသွားဝယ်ရန်ဖြစ်သည်။ ဒီတစ်ပတ်သွားမဝယ်ရင်မမှီတော့။ သို့သော်သူ့တွင်ကတ်ပြားမရှိပါ။ ကတ်ပြားမရှိရင်ဝင်ခွင့်မရှိ။ ဦးလေးမှာ ကော်စကိုကတ်ရှိသည်။ ဦးလေးက အလုပ်တက်တော့ ဦးလေးအလုပ်နားတဲ့ရက်ဘဲသွားလို့ရသည်။ 

ဒီ၂ရက်တော်တော်အေးပါသည်။ ၈ဒီဂရီထိကျသည် ၊ မနေ့ကမိုးရွာသောကြောင့် စိမ့်ပြီးအေးသည်။ ဒီနေ့မိုးမရွာပါ ၊ သို့သော်လည်းအေးသည်။ ဒီနေ့၉ဒီဂရီပါ။ 

၂ရက်လောက်အိပ်ရေးမဝတော့ ၊ ဒီနေ့သူဘာဖြစ်သွားသလဲ။

 ဆေးခန်းသွားပြပြီးပြန်လာတော့ ညနေ ၅ နာရီရှိပြီ။ အမှန်တော့ သူသွားလည်ချင်သေးသည်။ ဖိနပ်ပြတ်သွားသောကြောင့် အိမ်ကိုမအီမလယ်နှင့်ပြန်လာရသည်။ အဒေါ်က ဦးလေးခေါ်သောကုန်တိုက်ကို လိုက်သွားရမည်ဖြစ်၍အမှိုက်မပစ်နိုင်ပါ။ သူဖိနပ်ပြတ်နေတာနှင့်အတော်ပင်။ ရှိသမျှအိမ်ကအမှိုက်တွေအကုန်လွှတ်ပစ်မည်၊ရှိသမျှ ဖိနပ်အစုတ်တွေလွှတ်ပစ်လိုက်မည်။ ဒီနေ့ထီဆုကြီးထိုးထားသည်။အမှိုက်ကားက ည၆နာရီခွဲမှလာမည်။၅နာရီမှရောက်တော့အိမ်နားကကုန်တိုက်ကိုဝင်သည်။ ဖိနပ်ပြတ်နှင့်လျှောက်သွားကြည့်သည်။ အမှန်က သူ အိုဗာတင်းအေးအေးလေးသောက်ချင်သောကြောင့်သွားဝယ်ခြင်းဖြစ်သည်။ ကုန်တိုက်စမဝင်ထဲက တယ်လီဖုန်းရှာမတွေ့။ သူစိတ်ထင်တာ ဘတ်စကားပေါ်မှာကျန်ခဲ့ပြီ။ သူပြာသွားသည်။ အဒေါ်က အဲဒီဘတ်စကားနှင့်ဆက်လိုက်သွားပြီး ၈မှတ်တိုင်အရောက်တွင်ဆင်းရမည်ဖြစ်သည်။ အဒေါ်ကိုဖုန်းဆက်ရန်အတွက် သူအိမ်ပြန်မှဖြစ်မည်။ ဖိနပ်ပြတ်ကြီးနှင့်ပြေးသည်။ ပြေးရင်းနှင့်သူသတိရသွားသည်။ ဖုန်းကို သူ့အိတ်၏ဘေးအိတ်တွင်သူထည့်ထားသည်ဘဲ။ နှိုက်ကြည့်လိုက်တော့ ဖုန်းက ရှိနေသည်။ သူပျော်သွားသည်။

ကုန်တိုက်ဆက်ပတ်သည်။ ဝေဖာ ၁ ဗူး ၊ အိုဗာတင်းတစ်ဗူးဝယ်ပြီး အဝတွင် ထီးရောင်းနေ၍ သူကြည့်လိုက်သည်။ ပေါ့ပြီးသယ်ရလွယ်ကူသောထီးများကို သူကြိုက်သည်။ တစ်ချောင်းဝယ်လိုက်သည်။ ပိုက်ဆံအိတ်ကိုလက်တွင်ဒီတိုင်းချိတ်ပြီးကိုင်လာသည်။ ပြီးတော့ အိမ်ပြန်ရန် စက်လှေကားနှင့်အပေါ်တက်သည်။ အပေါ်ရောက်တော့ သူလိုချင်သောအနွေးထည်ကို ထပ်သွားကြည့်သည်။ ဈေးထပ်ကျသွားသည်။ ဝယ်သင့်မဝယ်သင့် သူမသိ ၊ ကြိုက်တာတော့ အရမ်းကြိုက်သည်။ ဒီတလောအကုန်အကျတွေအရမ်းများသည်။ သွားသွားကြည့်တာတော့ ၅ခါလောက်ရှိပြီ။ သူ့မှာ ၂ ဖက်ဝတ်လို့ရသောအနွေးထည်မရှိပါ။ ၂ဖက်ဝတ်လို့ရသောအနွေးထည်ကို သူလိုချင်နေခဲ့မိတာကြာနေပြီဖြစ်သည်။ ပိုက်ဆံအိတ်ဘေးချပြီး အင်္ကျီကို ဖြန့်ကြည့်လိုက်သည်။ ဈေးမေးသည်။ ဘယ်ရက်ထိလျှော့မလဲမေးသည်။ မနက်ဖြန် ထိဘဲလျှော့မည်တဲ့။ ပြီးတော့ သူထွက်သွားသည်။  အင်တာနက်အတွက်ဆောင်ရန် Bill ရောက်နေပြီဖြစ်သောကြောင့် သူ 7-11 မှာသွားဆောင်သည်။ ဆောင်မည်လုပ်တော့ သူ့လွယ်အိတ်ထဲက ပိုက်ဆံအိတ်ကိုရှာသည်။ မတွေ့တော့ ၊ သူ တော်တော်ထူပူသွားသည်။ အထဲတွင် အင်တာနက်ဆောင်ရန် ပိုက်ဆံ ၊ ဆရာဝန်ပြရင် သုံးသောကတ် ၊ အရေးကြီးဆုံးက ပိုက်ဆံထုတ်သောကတ် ဒါတွေအကုန်လုံး အဲဒီပိုက်ဆံအိတ်ထဲမှာ။ သူ ထီးဆိုင်ကိုပြေးသည်။ အောက်ကို တစ်ခါဆင်းရသည် ၊ လူတွေက တော်တော်များသည်။ တိုးဝှေ့ပြီး သွားရသည်။ တောင်းပန်ပါတယ် သွားခွင့်ပေးပါ အော်သွားရသည်။ ထီးဆိုင်ရောက်တော့ ပိုက်ဆံအိတ်ကမရှိ။ ခေါင်းထဲမှာ တော်တော်စဉ်းစားလိုက်မှအဖြေပေါ်သွားသည်။ အင်္ကျီကြည့်သည့်ဆိုင်တွင်ဖြစ်ရမည်။ အပေါ်ကိုပြန်ပြေးတက်ပြန်သည် ၊ ရမှရပါတော့မလားစိတ်ပူမိသည်။ အင်္ကျီဆိုင်ရောက်တော့ အင်္ကျီပေါ်မှာမရှိတော့။ ဆိုင်ကကောင်လေးကိုမေးကြည့်သည်။ သိမ်းထားပါတယ်တဲ့၊ တော်ပါသေးရဲ့။ ကျေးဇူးအထပ်ထပ်တင်မိသည်။ ဟတ်ပီးနယူးရီးယားပါပြောသည်။ 

ချမ်းစိမ့်နေသောရာသီဥတုက သူ့အတွက် နွေရာသီဖြစ်နေသည်။ ချွေးတွေ အသားကုန်ထွက်နေသည်။ အင်တာနက်ခဆောင်ပြီးအပြန် အပြင်ကလေအေးတိုက်တာတောင် သူအိုက်နေသေးသည်။

အိပ်ရေးမဝလို့လား ၊ အမှိုက် ၆နာရီခွဲသွန်ရမှာလောနေလား မသိ။ သူဒီနေ့ သည်းထိတ်ရင်ဖိုဇာတ်လမ်းလေး ရိုက်ခဲ့သည်။ 

သတင်းကောင်းပြောပါမည် ၊ အမှိုက်တွေအကုန်သွန်ပြီး ရေချိုးပြီး ၉နာရီမှ ထမင်းစားဖြစ်သည်။ ထီဂဏန်းထွက်လာသည် ၊ မပေါက်ပါ။ :D ဒီနေ့ထိုးသောထီသည် ဈေးကြီးပါသည်။ ခါတိုင်းဈေးပေါတာဘဲထိုးသည်။ ဈေးကြီးသောထီသည် ပေါက်လျှင် ပိုက်ဆံအများဆုံးဖြစ်ပါသည်။ 

အားလုံးသော ဘလော့ဂါမိတ်ဆွေများ , ဘလော့လေးကိုလာရောက်အားပေးကြသောမိတ်ဆွေများ "ဟက်ပီးနယူးရီးယား ၂၀၁၃ မှာ တောင်းတဲ့ဆုတွေ အားလုံးပြည့်ကြပါစေလို့ ဆုမွန်ကောင်းတောင်းလိုက်ပါသည်"

လေးစားစွာဖြင့်

လရိပ်အိမ်