Friday, May 31, 2013

..... အိမ် .....


ဘလော့ဂါမိတ်ဆွေများ....
အိမ်ပြင်ပြီးပါပြီ ၊ အရင်ထည့်ထားသော မိတ်ဆွေများရဲ့လင့်ကျန်ခဲ့ရင် အသိပေးပါ။
တမင်တကာချန်ထားတာ မဟုတ်ပါဘူး။
အရင် ထည့်တုန်းက ၁၀၀ကျော်တယ်။ ခုက ၁၀၀ရဲ့အောက်ရောက်နေလို့။ ဘယ်သူကျန်မှန်းမသိဘူး။

လေးစားစွာဖြင့်
လရိပ်အိမ်

Sunday, May 26, 2013

ဘလော့ဂါမိတ်ဆွေများသို့...


အိမ်အပြင်ကောင်းလွန်းလို့ဘလော့ဂါမိတ်ဆွေများရဲ့လင့်များ ပျောက်သွားပါသည်။ နေကောင်းရင် ပြန်ချိတ်ပေးပါမယ်။ ဘလော့မလည်တာတောင် တော်တော်ကြာသွားပြီနော်။

အိမ်ပြင်နေပါတယ် ၊ ဘာမှမပြောင်းလဲသေးပါလား ဟု စောဒကတက်ချင်သူများရှိနေပါလိမ့်မယ်။ မျှော်လင့်ချက်ကြီးစွာဖြင့် မစောင့်ကြပါနှင့်။ နေကောင်းခါစမို့အနားယူနေပါသည်။

အမဝယ်ပေးမည်ဟုပြောထားသော ဒိုမိန်း ၊ အနှစ်နှစ်အလလက ဘယ်သူဝယ်ပေးမည်ဟု စောင့်ခဲ့ရသော ဒိုမိန်း ၊ ဒိုမိန်း ဝယ်ပေးရန် မြန်မာပြည်မှ အမ၏မိတ်ဆွေတဦးအား အကူအညီတောင်းရာ ပြောထားသောရက် အချိန်မှီမပေးနိုင်၍ လက်မှိုင်ချနေရပါသည်။ ဖုန်းဆက်ရန် ဖုန်းကဒ်မရှိသောကြောင့် ငြိမ်နေရပါသည်။ အမ၏မိတ်ဆွေသည် အကြိမ်ကြိမ် အာမဘန္တေခံပြီး နောက်ဆုံးမှာ ဘာဖြစ်သွားတာလဲ? ဒေါ်လှ ၈၅၀၀ များထင်သွားလားမသိပါ။ :(((

ဝယ်လို့မရလဲနေပေါ့။ ဒီတိုင်းဘဲသုံးပေါ့။ ကျန်းမာရေးကောင်းအောင် ကုသိုလ်များများလုပ်မှနော်။ ဒါမှ အလုပ်လုပ်နိုင်မှာနော်။

လေးစားစွာဖြင့်
လရိပ်အိမ်

Sunday, May 12, 2013

ကမ္ဘာပေါ်ရှိ အမေများအားလုံးသို့..........



ဒီနေ့ဟာ ကမ္ဘာတဝန်းလုံးရဲ့ အမေများနေ့ပါ။

လရိပ်မှာ အမေနှစ်ယောက်ရှိတယ်။

မနှစ်ကလဲ  အမေနှစ်ယောက်လုံးကို အမေများနေ့အတွက် ပိုစ့်ကဒ်လေး လုပ်ပေးဖြစ်တယ်။ တယောက်တစ်ကဒ် ဒီဇိုင်းမတူပါဘူး။

ဒီနှစ်တော့ အဝေးရောက်နေတဲ့အမေကို ကဒ်လုပ်ပေးပြီး စာတိုက်ကနေပို့ပေးမယ်ဆိုတော့ အမေက မပို့နဲ့တဲ့ ၊ လုပ်ပြီးသိမ်းထားလိုက်တဲ့ ၊ လရိပ်ဆီရောက်မှ ယူမယ်တဲ့။ အဲဒါနဲ့လရိပ်လဲ ဒီမှာတူတူနေတဲ့အမေကိုဘဲလုပ်ပေးမယ်ပေါ့။အဝေးရောက်နေတဲ့အမေကို ဒီနှစ်မလုပ်ပေးဘူးလို့ပြောလိုက်မိတယ်။ အွန်လိုင်းကနေတော့ ကဒ်လေး ပို့ပေးမယ်လို့ဘဲပြောလိုက်တယ်။ အမေက လရိပ်မအားလဲ စကားတစ်ခွန်းပြောတာနဲ့ရပါတယ်လို့ပြောတယ်။

ဒါပေမဲ့ အမေက အဲလိုပြောပေမဲ့ အမေစိတ်ထဲမှာ စိတ်မကောင်းဖြစ်သွားတာကို လရိပ်ခံစားမိတယ်။

လရိပ်က ဒီတစ်လော စိတ်ရှုပ်စရာကြုံထားတော့ ခေါင်းထဲမှာ ဘာပုံစံလုပ်ရမယ်ဆိုတာ စဉ်းစားမရ ဖြစ်နေလို့ပါ။ မလုပ်ပေးချင်လို့ မဟုတ်ပါဘူး။ ဆေးထိုးခံရမဲ့နေ့မှာမှ ပြသာနာတစ်ခုဖြစ်နေလို့ ရှင်းရသေးတယ်။ စိတ်ကရှုပ်နေတော့ ဆေးထိုးထားတာ ခါတိုင်းနဲ့မတူဘူး ၊ တင်းပြီးနာနေတယ်။ တစ်ပတ်လောက် အိမ်မှာအနားယူလိုက်ရတယ်။ ခုတော့ သက်သာသွားပါပြီ။

အဲဒီနေ့ကလဲ လရိပ် ဒီကအမေကို လုပ်ပေးရင်းနဲ့ အဝေးရောက်နေတဲ့အမေအတွက်ပါ တခါတည်းလုပ်ပေးဖြစ်ပါတယ်။
ဒီကအမေက အဝါရောင်ကြိုက်တယ်။ အဝေးရောက်မေမေကိုတော့ အနီရောင်ပဲ လုပ်ပေးလိုက်တယ်။ ပြီးတော့ စကိုက်မှာ ပြလိုက်တယ်။ နှစ်ယောက်လုံးဆီက ဝမ်းသာတဲ့အရိပ်လေးတွေ မြင်တွေ့လိုက်ရတယ်။
လရိပ်လဲပျော်ပါတယ်။

ကမ္ဘာပေါ်ရှိ အမေများအားလုံးသို့..........
အမေများနေ့မှာ ပျော်ရွှင်ပါစေ။
Happy Mother's Day!
母親節快樂!

*အမေများအားလုံး ကိုယ်စိတ်နှစ်ဖြာ ကျန်းမာချမ်းသာကြပါစေ။*


လေးစားစွာဖြင့်
လရိပ်အိမ်