Wednesday, February 5, 2014

လူလိမ်မွေးနေ့

သူ
အစအနောက်သန်တယ်
ရယ်စရာပြောတတ်တယ်
ကုမ်ရာသီဖွားဖြစ်တယ်
အွန်လိုင်းမှာ
ရည်းစားစကားပြောတယ်
အပြင်မှာလူချင်း တွေ့ဖူးတယ်
ရည်းစားမဖြစ်ခဲ့ပါ
ရည်းစားစကားက
အတည်မဟုတ်ဘူးလို့ပြောတယ်

သူလက်ထပ်မဲ့ကောင်မလေးရှိပြီးရက်နဲ့
အွန်လိုင်းမှာ အရည်မရ အဖတ်မရ
ရည်းစားစကားလိုက်ပြောတယ်
တော်တော်အရှက်ကင်းမဲ့တယ်
အွန်လိုင်းရဲ့လှည့်ကွက်တွေ
သူ့ရဲ့လှည့်ကွက်တွေ
ကိုယ်သိပ်မုန်းတယ်

သူ
အကိုနဲ့ညီမလေးလို
တသက်လုံးလို့ပြောတယ်
သူ့အိမ်သူသက်ထားကို
ညီမလေးအကြောင်း
ပြောပြမယ်လို့ဂတိပေးဖူးတယ် (ဂတိမတည်တတ်သူဟာ ဂတိမပေးသင့်ဘူး)
မင်္ဂလာဆောင်သွားပြီလို့ပြောတယ်
ဖိုတိုပြဖို့
မိတ်ဆက်ပေးဖို့ပြောတယ်
ဖိုတိုမရှိဘူးလို့ပြောတယ်
ရှာဖွေမွှေနှောက်စုံစမ်းလိုက်တယ်
သူ
မင်္ဂလာမဆောင်ရသေး
လိမ်တာလို့ သူကိုယ်တိုင်ဝန်ခံတယ်
သူ့ကိုမေ့နိုင်အောင် ကြိုးစားတယ်
အောင်မြင်ခါနီးမှာ
ဒီနေ့
သူ့မွေးနေ့
အဒေါ်က လရိပ်ရဲ့ မွေးနေ့လက်ဆောင်
ဒီနေ့လာယူပါတဲ့။ :P


တိုက်ဆိုင်မှုတွေဆိုတာ အလိုလိုဖြစ်လာတတ်စမြဲပါ။
အဲဒါကို ရအောင်ကျော်ဖြတ်နိုင်ရမှာပါ။
ဂတိမတည် ၊ လိမ်တတ်တဲ့လူတစ်ယောက်ကို စိတ်ထဲမှာထားစရာလား လရိပ်အိမ်။
စိတ်ထဲမှာ မထားတာ တော်တော်ကြာပါပြီ ၊ ပြန်တုန်းက သူ့ပစ္စည်းတွေ အားလုံးသွားပေးခဲ့တယ်။သူ့ကိုသိတယ်ဆိုတဲ့လူကိုဘဲ ပေးထားခဲ့တယ်။
ဖေဖော်ဝါရီကို သိပ်မက်မောခဲ့တယ် ၊ ပြည်ထောင်စုနေ့ရှိတယ် ၊ ဗိုလ်ချုပ်မွေးနေ့ရှိတယ်။
သူ့ကြောင့်နဲ့တော့ လရိပ်သိပ်ချစ်ရတဲ့ ဖေဖော်ဝါရီဆိုတဲ့လလေး မပျောက်ပျက်စေရဘူး။

လေးစားစွာဖြင့်
လရိပ်အိမ်